ସନଷ୍ଟାର ଟିଭି ବ୍ୟୁରୋ
ନବରଙ୍ଗପୁର :ମାଁ ତାରିଣୀ ମାଙ୍କ ମନ୍ଦିରରୁ ଚୋରି କରି ନେଇଥିବା ଜିନିଷ କୁ ଫେରାଇଲେ ଦୁବୁର୍ତ୍ତ। ଆଖି, କାନଫୁଲ, ଫେରେଇ ଦେଇଛନ୍ତି ଦୁର୍ବୁର୍ତ୍ତ ମାନେ। ସୂଚନା ଅନୁଯାୟୀ ଗତ ମାସ ୧୯ ତାରିଖ ଗୁରୁବାର ରାତ୍ରି ପ୍ରାୟ ୨ ଟା ସମୟରେ କିଛି ଦୁର୍ବୁର୍ତ୍ତ ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ ଅନ୍ତର୍ଗତ ବେହେଡ଼ା ଠାରେ ଥିବା ତାରିଣୀ ମାଙ୍କ ମନ୍ଦିରରୁ ମାଙ୍କ ତିନୋଟି ମୁକୁଟ, ସୁନା ଆଖି, ନୁପୁର, ଘଣ୍ଟ, ଶାଢ଼ୀ ଏବଂ ଦାନ ହୁଣ୍ଡିରୁ ଟଙ୍କା ଚୋରିକରି ନେଇଯାଇଥିଲେ। ଏବଂ ଉକ୍ତ ଚୋରି ବିଷୟରେ ମାଙ୍କ ସେବକ ଶ୍ରୀଯୁକ୍ତ ସୁଦାମ ମିଶ୍ର ଉମରକୋଟ ଥାନାରେ ଲିଖିତ ଅଭିଯୋଗ କରିଥିଲେ। ଉମରକୋଟ ପୋଲିସ ଏହାର ଯାଞ୍ଚ ଚଳେଇଥିବା ବେଳେ ଗତ କିଛି ଦିନ ତଳେ ରାତିରେ ଚୋରମାନେ ଚୋରି କରିନେଇଥିବା କିଛି ଜିନିଷ ମନ୍ଦିର ନିକଟସ୍ଥ ଗଛମୂଳେ ଛାଡ଼ିଦେଇ ପଳେଇ ଯାଇଥିବା ବୋଲି ମନ୍ଦିର ପରିଚାଳନା କହିଥିଲେ। କମିଟି ର ଉପସଭାପତି ଶ୍ରୀଯୁକ୍ତ ନିରଜ କୁମାର ନାୟକ ଏବଂ ମନ୍ଦିର ପୂଜକ ଶ୍ରୀଯୁକ୍ତ ସୁଦାମ ମିଶ୍ର ସୂଚନା ଦେଇଛନ୍ତି।(ରିର୍ପୋଟ: ପୂର୍ଣ୍ଣଚନ୍ଦ୍ର ନାୟକ)
