ସନଷ୍ଟାର ଟିଭି ବ୍ୟୁରୋ
ଭୁବନେଶ୍ବର:ପୁଣି ରାଜରାସ୍ତାକୁ ଓହ୍ଲାଇଲା ବିଜେଡି । ପେଟ୍ରୋଲ, ଡିଜେଲ ଓ ଗ୍ୟାସ୍ ଦର ବୃଦ୍ଧି ପ୍ରତିବାଦରେ ବିଜେଡି ଧାରଣା ଓ ପଦଯାତ୍ରା କରିଛନ୍ତି। ରାଜଭବନ ସାମ୍ନାରେ ଦେଖିବାକୁ ମିଳିଛି ଦରଦାମ ବୃଦ୍ଧି ତାତି ।
ବିଜେଡିର ଯୁବ ଓ ଛାତ୍ର ସଂଗଠନ ପକ୍ଷରୁ ରାଜଭବନ ଆଗରେ ଧାରଣା ଦିଆଯାଇଛି । ଧାରଣା ଓ ପଦଯାତ୍ରାରେ ସାମିଲ ହୋଇଥିଲେ ଦଳର ବିଧାୟକ ସମେତ ଶହ ଶହ ସଂଖ୍ୟାର ଯୁବକ ଏବଂ ଛାତ୍ର ଛାତ୍ରୀ । କେନ୍ଦ୍ର ସରକାର ଦରଦାମ କମାଇବା ନେଇ କୌଣସି ପଦକ୍ଷେପ ନନେବାରୁ ଆନ୍ଦୋଳନକୁ ଜୋରଦାର କରିଛି ଦଳ । ପେଟ୍ରୋଲ, ଡିଜେଲ ଓ ଗ୍ୟାସ୍ ଦର ବୃଦ୍ଧି ଯୋଗୁଁ ସମସ୍ତ ପ୍ରକାର ପଦାର୍ଥ ଓ ଖାଦ୍ୟପେୟର ଦାମ ମଧ୍ୟ ବୃଦ୍ଧି ପାଇବାରେ ଲାଗିଛି । ଖାଦ୍ୟ ସାମଗ୍ରୀ ସହ ଅନ୍ୟାନ୍ୟ ସାମଗ୍ରୀ ଦର ଅହେତୁକ ବୃଦ୍ଧି ପାଇଛି । ପରିବା ବଜାରରେ ମଧ୍ୟ ଦର ବୃଦ୍ଧି ତାତି ଦେଖିବାକୁ ମିଳିଛି । ଗରିବ ଖଟିଖିଆଙ୍କ ହାଣ୍ଡିଶାଳରୁ ବିଭିନ୍ନ ପ୍ରକାର ରୋଷେଇ ସାମଗ୍ରୀ ଯେମିତି ଉଭାନ ହୋଇଗଲାଣି ବୋଲି ବିଜେଡି ଅଭିଯୋଗ କରିଛି ।
ରାଜରାସ୍ତାରୁ ରାଜଭବନ ପହଞ୍ଚିଥିବା ଏହି ଦରଦାମ ବୃଦ୍ଧି ତାତି ଯଦି ଆଗକୁ ଦର ଦାମ୍ ନକମେ ଆନ୍ଦୋଳନ ଆହୁରି ଜୋରଦାର ହେବ ବୋଲି ବିଜେଡ଼ି ର ଯୁବକ ଛାତ୍ର ମାନେ ଚେତାବନୀ ଦେଇଛନ୍ତି।(ରିର୍ପୋଟ:ଆଶିଷ କୁମାର ରାଉତ)
