ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ସୁନ୍ଦରଗଡ଼ ଜିଲ୍ଲା ବାରଗାଁ ତହସିଲ ଅନ୍ତର୍ଗତ ଗଡ଼ବାହଲ ଗାଁର ଆଶାକର୍ମୀ ମତିଲ୍ଦା କୁଲୁ ଫୋର୍ବସ ଇଣ୍ଡିଆ ପାୱାର ଓମେନ୍ ଲିଷ୍ଟ ୨୦୨୧ରେ ସ୍ଥାନ ପାଇ ସାରା ରାଜ୍ୟ ପାଇଁ ଗୌରବ ଆଣିଛନ୍ତି । ଫୋର୍ବସ ଇଣ୍ଡିଆରେ ମଧ୍ୟ ତାଙ୍କର ସେବାକାର୍ଯ୍ୟ ଓ ନିତିଦିନିଆ ଜୀବନକୁ ନେଇ ସ୍ଵତନ୍ତ୍ର ଷ୍ଟୋରୀ ପ୍ରକାଶ ପାଇଛି । ୪୫ ବର୍ଷୀୟ ମତିଲଦା ଦୀର୍ଘ ୧୫ ବର୍ଷ ଧରି ଗଡ଼ବାହଲ ଗାଁରେ ଆଶାକର୍ମୀ ଭାବେ କାର୍ଯ୍ୟ କରିଆସୁଛନ୍ତି । ସ୍ଥାନୀୟ ୯୬୪ ଜଣ ଗ୍ରାମବାସୀଙ୍କ ସ୍ଵାସ୍ଥ୍ୟସେବାର ଭାର ସେ ନିଜେ ମୁଣ୍ଡାଇଛନ୍ତି । ବିଶେଷ କରି କୋଭିଡ୍ ମହାମାରୀ ସମୟରେ ସେ ଜଣେ ଭିନ୍ନ କୋଭିଡ୍ ଯୋଦ୍ଧାଭାବେ କାର୍ଯ୍ୟକରି ଚର୍ଚ୍ଚାକୁ ଆସିଥିଲେ । ଲୋକ ମାନଙ୍କର ଅନ୍ଧବିଶ୍ବାସକୁ ଦୂର କରିବା ସହ ଲୋକ ମାନଙ୍କୁ ଉତ୍ତମ ଚିକିତ୍ସା ଦେବା ପାଇଁ ତାଙ୍କର ଯେଉଁ ପ୍ରୟାସ ରହିଛି ସେଥିଲାଗି ପାଇଁ ତାଙ୍କୁ ‘ ପାଓ୍ବାର ଓମେନ୍ ଲିଷ୍ଟ ୨୦୨୧ ’ ରେ ସ୍ଥାନ ଦେଇଛି ଫୋର୍ବସ ଇଣ୍ଡିଆ ।
