ସନଷ୍ଟାର ଟିଭି ବ୍ୟୁରୋ
ଭୁବନେଶ୍ବର:ଗତକାଲି ଶିଶୁ ଦିବସ ଅବସରରେ ରସୁଲଗଡ଼ ସ୍ଥିତ ରାମକୃଷ୍ଣ ବାଳାଶ୍ରମ ପରିସରରେ ସାଇ ୟୁଥ୍ ଆସୋସିଏସନ୍ ତରଫରୁ ସେଠାରେ ରହୁଥିବା କୁନି କୁନି ଶିଶୁ ମାନଙ୍କୁ ପାଠ୍ୟପୁସ୍ତକ ସାମଗ୍ରୀ ଓ ଶୀତବସ୍ତ୍ର ଓ ଖାଦ୍ୟ ସାମଗ୍ରୀ ବଣ୍ଟନ କରାଯିବା ସହ ଶିଶୁ ମାନଙ୍କ ଦ୍ଵାରା କେକ୍ କାଟି ଶିଶୁ ଦିବସ ପାଳନ କରାଯାଇଥିଲା। ଏହି କାର୍ଯ୍ୟକ୍ରମ ରେ ସାଇ ୟୁଥ୍ ଆସୋସିଏସନ୍ ର ସଦସ୍ୟ ମାନେ ଶିଶୁ ମାନଙ୍କ ଅଭାବ ଅସୁବିଧା ବିଷୟରେ ପଚାରି ବୁଝିଥିଲେ। ଏହା ସହିତ ଭବିଷ୍ୟତ ରେ କିପରି ସେମାନେ ଜଣେ ଜଣେ ଭଲ ମଣିଷ ହେବେ ସେ ସମ୍ପର୍କରେ ଓ ତାଙ୍କ ଉଜ୍ଜ୍ୱଳ ଭବିଷ୍ୟତ ବିଷୟରେ ତାଙ୍କୁ ବିଭିନ୍ନ ଉପଦେଶ ଦେବା ସହିତ ବିଭିନ୍ନ ବିଷୟରେ ଆଲୋଚନା କରିଥିଲେ। ଏହାପରେ ତାଙ୍କ ସହିତ କିଛି ସମୟ ଅତିବାହିତ କରିଥିଲେ। ଏହି କାର୍ଯ୍ୟକ୍ରମ ରେ ସାଇ ୟୁଥ୍ ଆସୋସିଏସନ୍ ର ସମସ୍ତ ସଦସ୍ୟ ଓ ବାଳାଶ୍ରମ ଦାୟିତ୍ଵ ରେ ଥିବା ଶିକ୍ଷୟିତ୍ରୀ ଓ ଅନ୍ୟାନ୍ୟ ସଦସ୍ୟ ମାନେ ଉପସ୍ଥିତ ଥିଲେ।
