ସରିଲା ଠାକରେଙ୍କ ଅସ୍ତ୍ରୋପଚାର

 ସନଷ୍ଟାର ଟିଭି ବ୍ୟୁରୋ

ମୁମ୍ବାଇ: ଶିବସେନା ମୁଖ୍ୟ ମୁଖପାତ୍ର ସଞ୍ଜୟ ରାଉତ କହିଛନ୍ତି ଯେ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଶୁକ୍ରବାର ଦିନ ମୁମ୍ବାଇରେ ସାର୍ ଏଚ୍ ଏନ୍ ରିଲାଏନ୍ସ ଫାଉଣ୍ଡେସନ୍ ହସ୍ପିଟାଲରେ ଅର୍ଥୋପେଡିକ୍ ସର୍ଜନଙ୍କ ଏକ ଟିମ୍ ଦ୍ୱାରା ସଫଳ ଅସ୍ତ୍ରୋପଚାର କରାଯାଇଥିଲା।  ସରକାରୀ ସୂତ୍ରରୁ ପ୍ରକାଶ ଯେ ଦିନେ କିମ୍ବା ଦୁଇ ଦିନ ମଧ୍ୟରେ ଠାକରେଙ୍କୁ ଡାକ୍ତରଖାନାରୁ ଡିସଚାର୍ଜ କରାଯିବ।

ଠାକରେଙ୍କୁ ବୁଧବାର ବିଳମ୍ବିତ ରାତିରେ ଡାକ୍ତରଖାନାରେ ଭର୍ତ୍ତି କରାଯାଇଥିଲା, ଦୁଇ ଦିନ ତଳେ ସେ ବେକରେ ଏକ ବନ୍ଧନୀ ପିନ୍ଧିଥିବାର ଦେଖାଯାଇଥିଲେ।ପ୍ରକାଶ ଥାଉକି, ଗତ ଦୁଇ ବର୍ଷ ଧରି କୋଭିଡ ମହାମାରୀ ସମୟରେ ସେ ବେକ ସମସ୍ୟାରେ ପୀଡିତ ଥିଲେ। ଡାକ୍ତରମାନେ ଏହାର ଉପଯୁକ୍ତ ଚିକିତ୍ସା ପାଇଁ ପରାମର୍ଶ ଦେଇଥିଲେ ଏବଂ ତାଙ୍କର ଏହି ସମସ୍ୟା ପାଇଁ ଅସ୍ତ୍ରୋପଚାର ହୋଇଥିଲା। ବର୍ତ୍ତମାନ ସେ ସମ୍ପୁର୍ଣ୍ଣ ଭଲ ଅଛନ୍ତି ଏବଂ ୨ଦିନ ଭିତରେ ସେ ଡାକ୍ତରଖାନାରୁ ଡିସଚାର୍ଜ ହେବେ।