ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ରାଜ୍ୟରେ ବିଭିନ୍ନ ଉଚ୍ଚ ମାଧ୍ୟମିକ ବିଦ୍ୟାଳୟରେ ଯୁକ୍ତ ଦୁଇ ଦ୍ଵିତୀୟ ପର୍ଯ୍ୟାୟ ନାମଲେଖା ସରିବା ପରେ ଖାଲିଥିବା ସିଟ୍ରେ ସ୍ପଟ୍ ନାମଲେଖା ପାଇଁ ମେଧା ତାଲିକା ମଙ୍ଗଳବାର ପ୍ରକାଶ ପାଇଛି । ତାଲିକା ଅନୁଯାୟୀ ଛାତ୍ରଛାତ୍ରୀମାନେ ୯ ତାରିଖ ଦିନ ୨.୩୦ ମିନିଟରୁ ୧୦ ତାରିଖ ୪ଟା ଯାଏଁ ସ୍କଟ ନାମଲେଖା ଲାଗି ପଞ୍ଜିକରଣ କରିବେ । ୧୧ ତାରିଖ ଦିନ ୧୧ଟା ୫୦ରେ ଚୂଡ଼ାନ୍ତ ସ୍କଟ ନାମଲେଖା ପାଇଁ ମେଧା ତାଲିକା ପ୍ରକାଶ ପାଇବ ।
ଛାତ୍ରଛାତ୍ରୀ ୧୧ରୁ ୧୨ ତାରିଖ ମଧ୍ୟରେ ନିଜର ନାମ ଲେଖାଇବେ । ସେହିପରି ନଭେମ୍ବର ୧୩ ତାରିଖ ୪ଟାରେ ସ୍ପଟ୍ ନାମଲେଖା ସମ୍ପର୍କିତ ଡାଟା ସାମ୍ବ ଇ – ସେସ୍ରେ ଅପଲୋଡ୍ କରାଯିବ । ସୂଚନାଯୋଗ୍ୟ ପ୍ରଥମ ପର୍ଯ୍ୟାୟ ନାମଲେଖା ପରେ ୧ଲକ୍ଷ ୪୪ହଜାର ବଳକା ସିଟ୍ରେ ନାମଲେଖା ପାଇଁ ଦ୍ଵିତୀୟ ପର୍ଯ୍ୟାୟ ନାମଲେଖା ପାଇଁ ଦରଖାସ୍ତ ଆହ୍ୱାନ କରାଯାଇଥିଲା । ନାମଲେଖା ପରେ ମଧ୍ୟ ଆହୁରି ୧ ଲକ୍ଷ ୨୩ ହଜାରରୁ ଅଧିକ ସିଟ୍ ବଳକା ରହିଛି ।
