ସନଷ୍ଟାର ଟିଭି ବ୍ୟୁରୋ
ଯୋଧପୁର :ବୁଧବାର ରାଜସ୍ଥାନର ବାରମର୍-ଯୋଧପୁର ରାଜପଥରେ ଏକ ଟ୍ୟାଙ୍କର ଟ୍ରେଲର ସହିତ ମୁହାଁମୁହିଁ ଧକ୍କା ହେବା ପରେ ଅତି କମରେ ୧୨ ଜଣଙ୍କର ମୃତ୍ୟୁ ଘଟିଥିବାର ଆଶଙ୍କା କରାଯାଉଛି। ଜଣେ ଯାତ୍ରୀଙ୍କ କହିବାନୁସାରେ, ବସ୍ ସକାଳ ୯.୫୫ରେ ବାଲୋତ୍ରରୁ ବାହାରିଥିଲା ଏବଂ ରାସ୍ତାର ଭୁଲ ପାର୍ଶ୍ୱରୁ ଆସୁଥିବା ଟ୍ୟାଙ୍କର୍ ବସ୍ ସହିତ ମୁହାଁମୁହିଁ ଧକ୍କା ହୋଇଥିଲା। ଧକ୍କା ହେବା ପରେ ବସ୍ ରେ ନିଆଁ ଲାଗିଯାଇଥିଲା। ଦୁର୍ଘଟଣା ଘଟିଥିବା ବେଳେ ବସ୍ ରେ ୨୫ ଜଣ ଲୋକ ଯାତ୍ରା କରୁଥିଲେ । ବର୍ତ୍ତମାନ ସୁଦ୍ଧା ୧୦ ଜଣଙ୍କୁ ଉଦ୍ଧାର କରାଯାଇଛି। ଏହି ଦୁର୍ଘଟଣା ପରେ ଜିଲ୍ଲା ପ୍ରଶାସନ ଓ ପୋଲିସର ଅଧିକାରୀମାନେ ଘଟଣାସ୍ଥଳରେ ପହଞ୍ଚିଥିଲେ। ଦୁର୍ଘଟଣାସ୍ଥଳରେ ପଚପଦ୍ରା ବିଧାୟକ ମଦନ ପ୍ରଜାପତ ଏବଂ ରାଜ୍ୟ ପରିବେଶ ତଥା ଜଙ୍ଗଲ ମନ୍ତ୍ରୀ ସୁଖରାମ ବିଷ୍ଣନୋଇ ମଧ୍ୟ ଉପସ୍ଥିତ ଥିଲେ। ଉଦ୍ଧାର କାର୍ଯ୍ୟ ଚାଲିଛି। ଏହି ଦୁର୍ଘଟଣା ଫଳରେ ରାଜପଥରେ ଏକ ବଡ଼ ଟ୍ରାଫିକ୍ ଜାମ୍ ହୋଇଛି। ବର୍ତ୍ତମାନ ସୁଦ୍ଧା ୧୦ ଜଣଙ୍କୁ ଉଦ୍ଧାର କରାଯାଇଥିବା ବେଳେ ବାକି ଯାତ୍ରୀଙ୍କ ସମ୍ପର୍କରେ କୌଣସି ସୂଚନା ନାହିଁ ବୋଲି ପୋଲିସ କହିଛି।
