ସନଷ୍ଟାର ଟିଭି ବ୍ୟୁରୋ
ନୂଆପଡା: ନୂଆପଡା ଜିଲ୍ଲା ଖଡ଼ିଆଳ ବ୍ଲକ ଅରେଡା ପାଖରେ ରାସ୍ତା ଦୁର୍ଘଟଣା ରେ ଜଣକର ମୃତ୍ୟୁ ହୋଇଥିବା ବେଳେ ଆଉ ଜଣଙ୍କୁ ଖଡ଼ିଆଳ ହସ୍ପିଟାଲ କୁ ସ୍ଥାନାନ୍ତର କରାଯାଇଛି । ମୃତକଙ୍କ ନାମ ସୁଦର୍ଶନ ସାହୁ ଓ ତାଙ୍କ ଘର ବଲାଙ୍ଗୀର ଜିଲ୍ଲା ମୁରିବାହାଲ ବ୍ଲକ ଜାମପଡା ବୋଲି ଜଣାପଡିଛି। ଖବର ଅନୁଯାୟୀ ସୁଦର୍ଶନ ସାହୁ ନିଜ ବୋଲେରୋ ଗାଡି ମରାମତି ପାଇଁ ତାଙ୍କ ସମ୍ପକୀୟ ଦୁର୍ଜ୍ଜୁ ସାହୁଙ୍କ ସହ ଖଡ଼ିଆଳ ଆସିଥିଲେ ଓ ଗାଡି ମରାମତି କରି ଘରକୁ ଫେରୁ ଥିଲେ।ଖଡ଼ିଆଳ କଣ୍ଟାବାଞ୍ଜି ଅରେଡା ନିକଟରେ ଭାରସାମ୍ୟ ହରାଇ ଗାଡି ଦୁର୍ଘଟଣା ହୋଇଥିଲା ଓ ଘଟଣା ସ୍ଥଳରେ ବୋଲେରୋ ମାଲିକ ସୁଦର୍ଶନ ସାହୁଙ୍କ ମୃତ୍ୟୁ ହୋଇଥିଲା।ଖବର ପାଇ ଖଡ଼ିଆଳ ପୁଲିସ ଓ ଅଗ୍ନିଶମ ବିଭାଗ ଶବ ଉଦ୍ଧାର କରିବା ସହ ଗୁରୁତର ଆଘାତ ପାଇଥିବା ଦୁର୍ଜ୍ଜୁ ସାହୁଙ୍କୁ ଖଡ଼ିଆଳ ଉପଖଣ୍ଡ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଛି।ପରିବାର ଲୋକଙ୍କୁ ଖବର ଦିଆଯାଇଥିବା ପୁଲିସ ସୂଚନା ଦେଇଛନ୍ତି ଏହା ସହ ପୋଲିସ ତାର ତଦନ୍ତ ଜାରି ରଖିଛି।( ରିର୍ପୋଟ:ଶାମ୍ବ କୁମାର ସରାଫ)
