ସନଷ୍ଟାର ଟିଭି ବ୍ୟୁରୋ
ପୁରୀ: ଆଜି ପବିତ୍ର ଦୀପାବଳି। ଏହାସହ କାଳୀପୂଜା ମଧ୍ୟ। ତେବେ ଆଜି ଶ୍ରୀମନ୍ଦିରରେ ସାଧାରଣ ଦର୍ଶନ ବନ୍ଦ ରହିବ । ଏହି ଦୀପାବଳି ପର୍ବ ପାଇଁ ଶ୍ରୀମନ୍ଦିର ଚତୁଃପାର୍ଶ୍ଵରେ ୧୪୪ ଧାରା ଲାଗୁ ହୋଇଛି । ଶ୍ରଦ୍ଧାଳୁମାନଙ୍କ ଭିଡ଼କୁ ଲକ୍ଷ୍ୟକରି ପ୍ରଶାସନ ପକ୍ଷରୁ ଏହି ଗୁରୁତ୍ଵପୂର୍ଣ୍ଣ ନିଷ୍ପଭି ନିଆଯାଇଛି । ଦୀପାବଳି ଓ ଗୟା ଶ୍ରାଦ୍ଧ ଉପଲକ୍ଷେ ପୁରୀ ଆସୁଥିବା ପର୍ଯ୍ୟଟକଙ୍କ ସମାଗମ ହେଲେ କୋଭିଡ୍ ସଂକ୍ରମଣ ଆଶଙ୍କା ଥିବାରୁ ଏହି କଟକଣା ଜାରି କରାଯାଇଛି । ଭୋର୍ ୪ଟାରୁ ମଧ୍ୟରାତ୍ରୀ ପର୍ଯ୍ୟନ୍ତ ଶ୍ରୀମନ୍ଦିର ଚତୁଃପାର୍ଶ୍ଵରେ ଏହି ୧୪୪ ଧାରା ବଳବତ୍ତର ରହିବ । ଏହାସହିତ ଶ୍ରୀମନ୍ଦିର ପାଖରେ କାଉଁରିଆ ଜାଳିବା କିମ୍ବା କୌଣସି ଶ୍ରାଦ୍ଧ ପିଣ୍ଡ ଦେବାକୁ ମଧ୍ୟ ବାରଣ କରାଯାଇଥିବା ଜିଲ୍ଲା ପ୍ରଶାସନ ପକ୍ଷରୁ ଏହି ସୂଚନା ଦିଆଯାଇଛି ।
