ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ଵର: ରାଜ୍ୟରେ ଶୀତର ପ୍ରକୋପ ବଢିବାରେ ଲାଗିଛି । ଆଜି ମଧ୍ୟ ସୋନପୁରରେ ସବୁଠୁ ବେଶୀ ଥଣ୍ଡା ଅନୁଭୁତ ହୋଇଛି । କାଲି ରାତିରେ ସୋନପୁରର ତାପମାତ୍ରା ୮.୮ ଡିଗ୍ରୀ ତାପମାତ୍ରା ରେକର୍ଡ କରାଯାଇଥିବା ଆଞ୍ଚଳିକ ପାଣିପାଗ ପକ୍ଷରୁ ସୂଚନା ଦିଆଯାଇଛି । ତେବେ ରାଜ୍ୟର ଅନ୍ୟ ସହର ଗୁଡିକର ତାପମାତ୍ରା ମଧ୍ୟ ହ୍ରାସ ପାଉଛି । ରାଜ୍ୟର ୧୭ ଟି ସହରର ତାପମାତ୍ରା ୧୫ ଡିଗ୍ରୀ ତଳେ ରହିଛି । ଫୁଲବାଣୀ ୯, ଅନୁଗୁଳ ୧୦, ଦାରିଙ୍ଗବାଡି ୧୦.୫, ବାରିପଦା୧୨.୫, ଭବାନୀପାଟଣା ୧୧.୫, କେନ୍ଦୁଝର ୧୨.୨, ତାଳଚେର ୧୨.୩, କୋରାପୁଟ ୧୨.୬, ଝାରସୁଗୁଡା ୧୨. ୯, ସୁନ୍ଦରଗଡ ୧୩, ବୌଦ୍ଧ ଏବଂ ବଲାଙ୍ଗିର ୧୪, କଟକ ୧୪.୨, ଟିଟିଲାଗଡ ୧୪.୫ , ଚାନ୍ଦବାଲି ଏବଂ ସମ୍ଵଲପୁର ୧୪.୬ ଓ ରାଜଧାନୀ ଭୁବନେଶ୍ଵରରେ ୧୫ ଡିଗ୍ରୀ ତାପମାତ୍ରା ଆକଳନ କରାଯାଇଛି । ତେବେ ଆହୁରି ୪ ରୁ ୫ ଦିନ ଶୀତ ଲାଗି ରହିବ ବୋଲି ଆଞ୍ଚଳିକ ପାଣିପାଗ ପକ୍ଷରୁ କୁହାଯାଇଛି ।
Past 24 Hrs #realized Station wise #Minimum temperature. pic.twitter.com/fgu1eyJwF1
— Meteorological Centre, Bhubaneswar (@mcbbsr) December 2, 2020
