ସନଷ୍ଟାର ଟିଭି ବ୍ୟୁରୋ
ଚଣ୍ଡିଗଡ଼ : ଏକମାସ ପୂର୍ବେ କଂଗ୍ରେସ ଛାଡ଼ିଥିବା ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ କ୍ୟାପ୍ଟେନ୍ ଅମରିନ୍ଦର ସିଂହ ଏକ ବହୁତ ବଡ ରାଜନୈତିକ ଧମାକା କରିଛନ୍ତି । କ୍ୟାପ୍ଟେନ୍ ପଞ୍ଜାବରେ ନୂଆ ଦଳ ଗଢ଼ିବେ ବୋଲି ସୂଚନା ଦେଇଛନ୍ତି। ଆସନ୍ତା ୪ ମାସ ପରେ ହେବାକୁ ଥିବା ବିଧାନସଭା ନିର୍ବାଚନରେ ପ୍ରତିଦ୍ଵନ୍ବିତା କରିବ ଏହି ଦଳ । ନିର୍ବାଚନ ପୂର୍ବରୁ ବିଜେପି ସହିତ ମେଣ୍ଟ ହେବ ବୋଲି କ୍ୟାପ୍ଟେନ୍ ଅମରିନ୍ଦର ସିଂହ ସୂଚନା ଦେଇଛନ୍ତି । ଏହି ମେଣ୍ଟରେ ଶିରୋମଣି ଅକାଳୀ ଦଳ ( ବାଦଲ ) ରୁ ଅଲଗା ହୋଇଥିବା ସୁଖଦେବ ସିଂହ ଭିଣ୍ଠସା ଓ ରଣଜୀତ ବ୍ରହ୍ମପୁରାଙ୍କ ଗୋଷ୍ଠୀ ମଧ୍ୟ ସାମିଲ୍ ହେବେ ବୋଲି ସେ ସୂଚନା ଦେଇଛନ୍ତି । ଏହା ପୂର୍ବରୁ କୃଷି ଆଇନ୍ ବିରୋଧରେ ଜାରି ରହିଥିବା କୃଷକ ଆନ୍ଦୋଳନର ଶାନ୍ତିପୂର୍ଣ୍ଣ ସମାଧାନ ଜରୁରୀ ବୋଲି ସେ କହିଛନ୍ତି । କୃଷି ସୁଧାର ଆଇନ୍ ମାମଲାର ସମାଧାନ ହେବା ପରେ ହିଁ ବିଜେପି ସହିତ ମେଣ୍ଟ ହେବ।
