ସନଷ୍ଟାର ଟିଭି ବ୍ୟୁରୋ
କେରଳ: ଦକ୍ଷିଣ ରାଜ୍ୟରେ ପ୍ରବଳ ବର୍ଷା ହେବା ପରେ ସଂରଚନା ଉପରେ ଚାପକୁ ହ୍ରାସ କରିବା ପାଇଁ ପେରିୟର୍ ନଦୀ ଉପରେ ଥିବା ଇଡୁକି ଡ୍ୟାମର ଫାଟକ କେରଳର ସ୍ଥାନୀୟ କର୍ତ୍ତୃପକ୍ଷଙ୍କ ଦ୍ବାରା ଖୋଲା ଯାଇଛି। ବର୍ଷା ପାଇଁ ଏପର୍ଯ୍ୟନ୍ତ ପଚିଶ ଜଣ ଲୋକ ପ୍ରାଣ ହରାଇଛନ୍ତି। ଫାଟକ ଖୋଲିବା ମାତ୍ରେ ରାଜ୍ୟର ହାଇଡ୍ରୋଲିକ ପ୍ରକଳ୍ପର ଥିବା ଡ୍ୟାମରୁ ଏକ ଲକ୍ଷ ଲିଟର ପାଣି ବାହାରିଥିଲା।
ଏହା ହେଉଛି ଚତୁର୍ଥ ଥର ଯେବେ ଏସିଆର ବୃହତ୍ତମ ଡ୍ୟାମର ସଟର ଖୋଲାଯାଇଛି। ଏହା ପୂର୍ବରୁ ୧୯୮୧ ମସିହାରେ ୧୯୯୨ ଏବଂ ୨୦୧୮ ରେ ଏହି ଡ୍ୟାମର ଫାଟକ ଖେଶଲାଯାଇଥିଲା। ଅଧିକାରୀମାନେ କହିଛନ୍ତି ଯେ ଡ୍ୟାମରୁ ପାଣି ଏକ ନିର୍ଦ୍ଦିଷ୍ଟ ନଦୀ ପଥ ନେଇ ରାସ୍ତାରେ ଚେରୁଥୋନି ସହରକୁ ବୁଡ଼ାଇ ଦେଇଥିଲା। ଏର୍ନାକୁଲମ୍ ଏବଂ ଆଲାପୁଜା ଜିଲ୍ଲାରେ ଅଧିକାରୀମାନେ ହାଇ ଆଲର୍ଟ ଜାରି କରିଛନ୍ତି। ସୋମବାର ଦିନ ପଠାନାମଥୀତା ଜିଲ୍ଲାର କାକି ଅନନ୍ତୋଡୁ ଡ୍ୟାମର ସଟର ଖୋଲାଯାଇଛି। ମୋଜିଆୟାର ଏବଂ ମାନିଆର ବନ୍ଧ ମଧ୍ୟ ଖୋଲାଯାଇଛି। ବନ୍ୟା ପରିସ୍ଥିତିକୁ ରୋକିବା ପାଇଁ ତ୍ରିସୁର ଜିଲ୍ଲାର ପିଚି, ଚିମିନି, ପୁମାଲା, ଅସୁରାନକୁଣ୍ଡୁ, ପଠାଖକୁଣ୍ଡୁ ଏବଂ ଭାଜାନି ଡ୍ୟାମର ସଟର ଖୋଲାଯାଇଛି।
ଭାରତ ପାଣିପାଗ ବିଭାଗ (ଆଇଏମଡି) ଅନୁଯାୟୀ ଦକ୍ଷିଣ-ପୂର୍ବ ଆରବ ସାଗରରେ ନିମ୍ନ ଚାପର ପ୍ରଭାବରେ ପ୍ରବଳ ବର୍ଷା ହୋଇଥିଲା। ଅକ୍ଟୋବର ୨୦ ରୁ ୨୪ ମଧ୍ୟରେ ରାଜ୍ୟ ପାଇଁ ଅଧିକ ବର୍ଷା ହେବ ବୋଲି ପୂର୍ବାନୁମାନ କରିଛି । ବର୍ତ୍ତମାନ ସୁଦ୍ଧା ୩୫ ଜଣଙ୍କମୃତଦେହ ଉଦ୍ଧାର କରାଯାଇଛି। ଏହା ମଧ୍ୟରୁ ୧୪ ଜଣ କୋଟାୟାମ ଜିଲ୍ଲାରେ, ୧୯୦ ଜଣ ଇଡୁକିର ଏବଂ ତିରୁବନନ୍ତପୁରମ୍ ରୁ ଜଣେ, ଥ୍ରୀସୁର ଏବଂ କୋଜିକୋଡେ ଜିଲ୍ଲାରୁ ଜଣେ ଲେଖାଁଏ ରହିଛନ୍ତି।
ପ୍ରବଳ ବର୍ଷା ଯୋଗୁ ଅନେକ ସ୍ଥାନରେ ଭୂସ୍ଖଳନ ସୃଷ୍ଟି ହୋଇଥିଲା। ଇଡୁକି ଜିଲ୍ଲାର ପେରୁମେଡୁ ଗାଁର କୋକକାୟାରରେ ଏପରି ଏକ ଭୂସ୍ଖଳନରେ ଚାରିଟି ଘର ଧୋଇ ହୋଇଯାଇଥିଲା। ଉଦ୍ଧାରକାରୀମାନେ ଇଡୁକିର ଫ୍ଲାସ୍ ବନ୍ୟାରେ ନିଖୋଜ ହୋଇଯାଇଥିବା ଆନସୀ (୫୨) ନାମକ ଜଣେ ବ୍ୟକ୍ତିଙ୍କୁ ଖୋଜୁଛନ୍ତି । ଇଡୁକି ଜିଲ୍ଲା କର୍ତ୍ତୃପକ୍ଷ କହିଛନ୍ତି ଯେ ନୌସେନା, ଜାତୀୟ ବିପର୍ଯ୍ୟୟ ମୁକାବିଲା ଫୋର୍ସ (ଏନଡିଆରଏଫ), ଅଗ୍ନିଶମ କର୍ମଚାରୀ ଏବଂ ଅନ୍ୟମାନେ କୋକକାୟର ଏବଂ ଅନ୍ୟାନ୍ୟ ଅଞ୍ଚଳରେ ଉଦ୍ଧାର କାର୍ଯ୍ୟରେ ନିୟୋଜିତ ଅଛନ୍ତି।
ବର୍ତ୍ତମାନ, କେରଳର ୨୪୭ ରିଲିଫ୍ କ୍ୟାମ୍ପରେ ୨,୬୧୯ ପରିବାର ବାସ କରୁଛନ୍ତି । ଏହି ଶିବିରରେ ସମୁଦାୟ ୯,୪୨୨ ଲୋକ ଅଛନ୍ତି। ରିଲିଫ ଶିବିରରେ ଖାଦ୍ୟ, ପୋଷାକ ଏବଂ ଶଯ୍ୟା ଭଳି ପର୍ଯ୍ୟାପ୍ତ ସୁବିଧା ରହିବା ଉଚିତ ବୋଲି ମୁଖ୍ୟମନ୍ତ୍ରୀ ପିନାରାଇ ବିଜୟ ନିର୍ଦ୍ଦେଶ ଦେଇଛନ୍ତି। ରାଜସ୍ୱ ବିଭାଗ ବ୍ୟତୀତ ସମ୍ପୃକ୍ତ ସ୍ଥାନୀୟ ସ୍ବୟଂ ସରକାରୀ (LSG) ସଂସ୍ଥାଗୁଡ଼ିକୁ ମଧ୍ୟ ଏଥିପ୍ରତି ଧ୍ୟାନ ଦେବାକୁ କୁହାଯାଇଛି। ସ୍ଥାନୀୟ ସମ୍ପ୍ରଦାୟର ସାହାଯ୍ୟ ଲୋଡ଼ିବାକୁ ବିଜୟ ସେମାନଙ୍କୁ ମଧ୍ୟ ନିର୍ଦ୍ଦେଶ ଦେଇଛନ୍ତି।
