ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ହିମାଚଳ ପ୍ରଦେଶର ଗୋଟିଏ ଲୋକସଭା ଏବଂ ୩ଟି ବିଧାନସଭା ଆସନ ଲାଗି ଚଳିତ ମାସ ୩୦ରେ ଅନୁଷ୍ଠିତ ହେବାକୁ ଯାଉଥିବା ଉପନିର୍ବାଚନରେ କଂଗ୍ରେସ ପକ୍ଷରୁ ଷ୍ଟାର କ୍ୟାମ୍ପେନର ତାଲିକା ଘୋଷଣା କରାଯାଇଛି। ଏଥିରେ ରହିଛନ୍ତି ପଞ୍ଜାବ ପିସିସି ସଭାପତି ନବଜୋତ ସିଂହ ସିନ୍ଧୁ ଓ ନିକଟରେ କଂଗ୍ରେସରେ ଯୋଗ ଦେଇଥିବା ଜେଏନୟୁ ଛାତ୍ର ସଂସଦର ପୂର୍ବତନ ସଭାପତି କହ୍ନେୟା କୁମାର । କଂଗ୍ରେସ ସାଧାରଣ ସମ୍ପାଦକ କେସି ଭେନୁଗୋପାଳ ନିର୍ବାଚନ କମିଶନଙ୍କୁ ଦେଇଥିବା ଦଳର ୨୦ଜଣିଆ ଷ୍ଟାର କ୍ୟାମ୍ପେନର ତାଲିକାରେ ଅନ୍ୟାମାନଙ୍କ ମଧ୍ୟରେ ଚରଣଜିତ ସିଂହ ଚାନ୍ନି , ରାଜ ବବର , ଭୂପିନ୍ଦର ସିଂହ ହୁଦା , ସଚିନ ପାଇଲଟ , ରାଜୀବ ଶୁକ୍ଳା , ଆନନ୍ଦ ଶର୍ମା ଓ ଛତିଶଗଡ଼ ମୁଖ୍ୟମନ୍ତ୍ରୀ ଭୂପେଶ ବଘେଲଙ୍କ ନାମ ମଧ୍ୟ ରହିଛି ।
