ସନଷ୍ଟାର ଟିଭି ବ୍ୟୁରୋ
ପୁରୀ: ଚଳିତ ମାସରେ ୮ଦିନ ବନ୍ଦ ରହିବ ଶ୍ରୀମନ୍ଦିର । ପୂର୍ବ ନିଷ୍ପତ୍ତି (ଗାଇଡଲାଇନ)ଅନୁଯାୟୀ ପ୍ରତି ରବିବାର ମନ୍ଦିର ବନ୍ଦ ରହିବ ବୋଲି ସ୍ଥିର କରାଯାଇଥିଲା। ଏହା ସହିତ ବିଶେଷ ପର୍ବପର୍ବାଣୀ ଦିନଗୁଡ଼ିକରେ ଶ୍ରୀମନ୍ଦିର ଦର୍ଶନ ବନ୍ଦ ରହିବ ବୋଲି ଶ୍ରୀମନ୍ଦିର ପ୍ରଶାସନ ପକ୍ଷରୁ ସ୍ଥିର କରାଯାଇଛି ।ମୁଖ୍ୟତ ପର୍ବପର୍ବାଣୀ ସମୟରେ ଅଧିକ ଶ୍ରଦ୍ଧାଳୁଙ୍କର ଆଗମନ ହୋଇଥାଏ। ଏହି ପରିପ୍ରେକ୍ଷୀରେ ଚଳିତ ମାସରେ ପାଞ୍ଚଟି ରବିବାର ସମେତ ବୁଧବାର ମହାଳୟା ଅମାବାସ୍ୟା , ୧୫ ତାରିଖଶ୍ରୀମନ୍ଦିର ଦଶହରା ଓ ୨୦ ତାରିଖ ଗଜଲକ୍ଷ୍ମୀ ପୂଜା ପାଇଁ ଶ୍ରୀମନ୍ଦିରରେ ଦର୍ଶନ ବନ୍ଦରହିବ ବୋଲି ପ୍ରଶାସନ ପକ୍ଷରୁ ସୂଚନା ଦିଆଯାଇଛି । ସେହିପରି ପବିତ୍ର ମହାଳୟା ଅମାବାସ୍ୟା ପରିପ୍ରେକ୍ଷୀରେ ବୁଧବାର ଭକ୍ତଙ୍କ ପାଇଁ ଶ୍ରୀମନ୍ଦିର ବନ୍ଦ ରହିଥିବା ଜଣାପଡ଼ିଛି । ଭକ୍ତଙ୍କ ଗହଳି ହେବା ସମ୍ଭାବନା ଦୃଷ୍ଟିରୁ ଶ୍ରୀମନ୍ଦିର ପ୍ରଶାସନ ପକ୍ଷରୁ ଏଭଳି ନିଷ୍ପତ୍ତି ନିଆଯାଇଥିବା ଜଣାପଡ଼ିଛି । ଏହାସହ ଆଉ କିଛି ଦିନ ଶ୍ରୀମନ୍ଦିର ବନ୍ଦ ରହିବ।
