ସନଷ୍ଟାର ଟିଭି ବ୍ୟୁରୋ
ଜଳେଶ୍ବର: ବାଲେଶ୍ୱର ଅବକାରୀ ଡେପୁଟି କମିଶନର ଅଶୋକ କୁମାର ଶତପଥୀଙ୍କ ନିର୍ଦ୍ଦେଶ କ୍ରମେ ଜଳେଶ୍ବର ଥାନା ଆଇଆଇସି ପ୍ରେମପ୍ରଜ୍ଞା ମହାନ୍ତିଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ଜଳେଶ୍ବର ଅବକାରୀ ଓଆଇସି ଦେବେନ୍ଦ୍ର କୁମାର ବେହେରା ଓ ୧୫ ଜଣିଆ ଏକ ଟିମ ମିଳିତ ଭାବେ ଗୋବର ଘଟା, ବିରିଶପୁର,ବାଇପାଟଣା,ଗୋପ ଆଦି ବିଭିନ୍ନ ଜାଗାରେ ଚଢ଼ାଉ କରିଥିଲେ। ଆଗକୁ ପାର୍ବଣ ଏହାକୁ ଆଖି ଆଗରେ ରଖି ଅତର୍କିତ ଚଢ଼ାଉ କରି ୧୨୩ ଲିଟର ଦେଶୀ ରନ୍ଧା ମହୁଲି,ବିଦେଶୀ ମଦ୧୭.୧୦୦,ବିୟର୭.୧୦୦,କଣ୍ଟ୍ରି ସ୍ପିରିଟ ୧୩.୮୦୦ଲିଟର ସହିତ ୪ ଜଣକୁ ଗିରଫ କରାଯାଇଛି। ସେମାନଙ୍କ ନାମରେ ଅବକାରୀ ଥାନାରେ ୯୪,୯୫,୯୬,୯୭/୨୧-୨୨ ଆଧାରରେ ମାମଲା ରୁଜୁ କରି ଜେଏମଏଫସି(jmfc) ଜଳେଶ୍ୱରଙ୍କ ବିଚାର ବିଭାଗୀୟ ହାଜତକୁ ପଠାଯାଇଛି। ଏହି ଚଢ଼ାଉ ରେ ଅବକାରୀ ବିଭାଗ ତରଫରୁ ଜୟମାଧଵ ଦାସ ଅଧିକାରୀ,ରାଜୀବ ଭଞ୍ଜ,ରାମ ଚନ୍ଦ୍ର ମହାନ୍ତି,ଶଶୀ ଭୂଷଣ ସ୍ୱାଇଁ ସାମିଲ ଥିଲେ।( ରିର୍ପୋଟ:ଆଲୋକ ଚନ୍ଦ୍ର ଘଡେଇ)
