ସନଷ୍ଟାର ଟିଭି ବ୍ୟୁରୋ
ରିର୍ପୋଟ: ବୁଧବାର ମୁମ୍ବାଇର ଆରେ ମିଲ୍କ କଲୋନୀରେ ଜଣେ ୬୦ ବର୍ଷ ବୟସ୍କା ମହିଳାଙ୍କୁ ଚିତାବାଘ ଆକ୍ରମଣ କରିଥିବାର ଦୃଶ୍ୟ ବର୍ତ୍ତମାନ ସାମ୍ନାକୁ ଆସିଛି। ଗୋରେଗାଓଁର ଆରେ ସ୍ଥିତ ଭିସାଭା ୱାର୍କର୍ସ କଲୋନୀରେ ରାତି ପ୍ରାୟ ୭.୪୫ ସମୟରେ ଏହି ଘଟଣା ଘଟିଥିଲା।
ନିର୍ମଳାଦେବୀ ରାମବଦନ ସିଂ ନାମକ ଏହି ମହିଳା ଜଣକ ତାଙ୍କ ଘର ସାମ୍ନାରେ ବସିଥିବା ବେଳେ ଚିତାବାଘ ତାଙ୍କୁ ଆକ୍ରମଣ କରିଥିଲା। ଆକ୍ରମଣକୁ ରୋକିବା ପାଇଁ ସେ ତାଙ୍କ ଚାଲିବା ବାଡ଼ି ବ୍ୟବହାର କରିଥିଲେ। ତାଙ୍କ ପରିବାରର ଅନ୍ୟ ସଦସ୍ୟମାନେ ତାଙ୍କୁ ସାହାଯ୍ୟ କରିବା ପରେ ଚିତାବାଘ ପଳାଇ ଯାଇଥିଲା। ଏହି ଘଟଣାରେ ମହିଳା ଜଣଙ୍କ ଜଙ୍ଘ ଏବଂ ପିଠିରେ ଆଘାତ ଲାଗିଛି। ତେବେ ଅଧିକାରୀଙ୍କ ସୂଚନା ଅନୁଯାୟୀ ସେ ବର୍ତ୍ତମାନ ସ୍ଥିର ଅଛନ୍ତି।
ଏହି ଘଟଣା ଏକ ସିସିଟିଭି କ୍ୟାମେରାରେ ରେକର୍ଡ କରାଯାଇଛି। ଭିଡିଓରେ ଚିତାବାଘ ଘର ବାହାରେ ଲୁଚି ରହିଥିବା ଦେଖିବାକୁ ମିଳିଛି। ସେ ବାରଣ୍ଡା ଉପରେ ବସିବା ଆରମ୍ଭ କଲାବେଳେ ଚିତାବାଘ ତାଙ୍କ ପଛରୁ ଆସି ତାଙ୍କ ଉପରେ ଆକ୍ରମଣ କରିଥିଲା। ହଠାତ୍ ଆକ୍ରମଣରେ ଚକିତ ହୋଇ ମହିଳା ଜଣକ ବାଡ଼ିରେ ବଣୁଆ ଜନ୍ତୁ ବିରୁଦ୍ଧରେ ନିଜକୁ ରକ୍ଷା କରିଥିଲେ। ଚିତାବାଘ ମହିଳାଙ୍କୁ ଦୁଇଥର ଆକ୍ରମଣ କରିବାକୁ ଚେଷ୍ଟା କରିଥିଲା କିନ୍ତୁ ପରିବାରର ଅନ୍ୟ ସଦସ୍ୟମାନେ ତାଙ୍କୁ ସାହାଯ୍ୟ କରିବା ପରେ ଏହା ପଳାଇ ଯାଇଥିଲା।
