ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ପୂର୍ବତନ ଛାତ୍ର ନେତା(ସିପିଆଇ) କହ୍ନେୟା କୁମାର ଆଜି କଂଗ୍ରେସ ଦଳରେ ଯୋଗ ଦେଇଛନ୍ତି । ସେ ଦଳର ନେତା ରାହୁଲ ଗାନ୍ଧୀଙ୍କ ଉପସ୍ଥିତିରେ ନୂଆଦିଲ୍ଲୀରେ ଥିବା ଅଲ ଇଣ୍ଡିଆ କଂଗ୍ରେସ କମିଟି ମୁଖ୍ୟାଳୟରେ ଯୋଗଦେଇଥିଲେ। ଏହି କାର୍ଯ୍ୟକ୍ରମରେ ଗୁଜରାଟ ଦଲିତ ନେତା ଜିଗ୍ନେଶ ମେଓ୍ବାନୀ ମଧ୍ୟ ଏଥିରେ କଂଗ୍ରେସରେ ଯୋଗଦେଇଛନ୍ତି।
“ମୁଁ କଂଗ୍ରେସରେ ଯୋଗ ଦେଉଛି କାରଣ ଏହା କେବଳ ଏକ ଦଳ ନୁହେଁ, ଏହା ଏକ ଧାରଣା। ଏହା ଦେଶର ସର୍ବ ପୁରାତନ ଏବଂ ଗଣତାନ୍ତ୍ରିକ ଦଳ, ଏବଂ ମୁଁ ‘ଗଣତାନ୍ତ୍ରିକ’ ଉପରେ ଗୁରୁତ୍ୱ ଦେଉଛି । କେବଳ ମୁଁ ନୁହେଁ, ଅନେକ ଭାବନ୍ତି କଂଗ୍ରେସ ବିନା ଦେଶ ବଞ୍ଚିପାରିବ ନାହିଁ । ଶ୍ରୀ କୁମାର କଂଗ୍ରେସରେ ଯୋଗଦେବା ପରେ ଏକ ସାମ୍ବାଦିକ ସମ୍ମିଳନୀରେ ଏହାପ୍ରକାଶ କରିଛନ୍ତି ।
ତେବେ ଦଳରେ ଏହି ଦୁଇ ନେତାଙ୍କର ଭୂମିକା ଏପର୍ଯ୍ୟନ୍ତ ସ୍ପଷ୍ଟ ହୋଇ ନାହିଁ। ଦଳରେ ଯୋଗ ଦେବାପରେ କଂଗ୍ରେସର ସମସ୍ତ ନେତା ଏହି ଦୁଇ ନେତାଙ୍କୁ ଶୁଭେଚ୍ଛା ଜଣାଇଛନ୍ତି।
