ସନଷ୍ଟାର ଟିଭି ବ୍ୟୁରୋ
ରିର୍ପୋଟ: ତିନୋଟି କେନ୍ଦ୍ରୀୟ ଚାଷୀ ଆଇନକୁ ବିରୋଧ କରି କୃଷକମାନେ ସାରା ଦେଶରେ ଭାରତ ବନ୍ଦ ପାଳନ କରୁଛନ୍ତି। ସୋମବାର ଦିନ ତିନୋଟି କେନ୍ଦ୍ରୀୟ ଚାଷୀ ଆଇନକୁ ବିରୋଧ କରି କୃଷକମାନେ ହରିୟାଣା ଏବଂ ଦିଲ୍ଲୀରେ ଯାତାୟତ ସେବାକୁ ବନ୍ଦ କରିଛନ୍ତି। ଏଥିପାଇଁ ଟ୍ରେନ,ବସ ସବୁ ସେବାକୁ ବନ୍ଦ କରାଯାଇଛି। ବନ୍ଦ ପାଳନ ସମୟରେ ସୁରକ୍ଷାକୁ ଆଖିଆଗରେ ରଖି ଦିଲ୍ଲୀ ଏବଂ ହରିୟାଣାର ପୋଲିସ ନିୟୋଜନ କରାଯାଇଛି। ଜାତୀୟ ରାଜଧାନୀର ସୀମାନ୍ତ ଅଞ୍ଚଳରେ ସୁରକ୍ଷାକୁ ବଢ଼ାଇ ଦିଆଯାଇଛି।
ପୋଲିସ ଅଧିକାରୀ କହିଛନ୍ତି ଯେ ପେଟ୍ରୋଲିଂକୁ ଅଧିକ ଜୋରଦାର କରାଯାଇଛି। ପେଟ୍ରୋଲିଂକୁ ଅତିରିକ୍ତ କର୍ମଚାରୀ ନିୟୋଜିତ ହୋଇଛନ୍ତି। ବିଶେଷକରି ଦିଲ୍ଲୀ ଯାଉଥିବା ସମସ୍ତ ରାସ୍ତାରେ ଗାଁ, ସୀମାନ୍ତବର୍ତ୍ତୀ ଅଞ୍ଚଳ ତଥା ଜାତୀୟ ରାଜଧାନୀରେ ପ୍ରବେଶ କରୁଥିବା ପ୍ରତ୍ୟେକ ଗାଡିର ପୁଙ୍ଖାନୁପୁଙ୍ଖ ଯାଞ୍ଚ କରାଯାଉଛି। “ଭାରତ ବନ୍ଦକୁ ଦୃଷ୍ଟିରେ ରଖି ସତର୍କତାମୂଳକ ପଦକ୍ଷେପ ଭାବରେ ପର୍ଯ୍ୟାପ୍ତ ସୁରକ୍ଷା ବ୍ୟବସ୍ଥା କରାଯାଇଛି। ସୀମାନ୍ତ ଅଞ୍ଚଳରେ ପେଟ୍ରୋଲିଂକୁ ମଜବୁତ କରାଯାଇଛି ଏବଂ ଇଣ୍ଡିଆ ଗେଟ୍ ଏବଂ ବିଜୟ ଚକ୍ ସମେତ ସମସ୍ତ ଗୁରୁତ୍ୱପୂର୍ଣ୍ଣ ସ୍ଥାନରେ ପର୍ଯ୍ୟାପ୍ତ ନିୟୋଜନ ପୋଲିସ ରହିଛନ୍ତି ବୋଲି ଡେପୁଟି କମିଶନର (ନୂଆଦିଲ୍ଲୀ) ଦୀପକ ଯାଦବ କହିଛନ୍ତି।
ଅଧିକାରୀ କହିଛନ୍ତି ଯେ ସହରର ସୀମାରେ ଥିବା ତିନୋଟି ବିରୋଧ ସ୍ଥାନରୁ କୌଣସି ବିରୋଧକାରୀଙ୍କୁ ଦିଲ୍ଲୀ ପ୍ରବେଶ କରିବାକୁ ଅନୁମତି ଦିଆଯାଉ ନାହିଁ। “ସୁରକ୍ଷା ପ୍ରତିଷେଧକ ଏବଂ ଆମେ ସମ୍ପୂର୍ଣ୍ଣ ସତର୍କତା ପାଳନ କରୁଛୁ।
