ସନଷ୍ଟାର ଟିଭି ବ୍ୟୁରୋ
ରିର୍ପୋଟ: ଡେଲାଙ୍ଗରେ ବିଜେପି ତାର ରଣ କୈାଶଳ ଜାରି ରଖିଛି। ବିଜେପି ପକ୍ଷରୁ ଡେଲାଙ୍ଗରେ ପ୍ରଚାର କରୁଥିବା ବେଳେ ପିପିଲିରେ ମହାମିଶ୍ରଣ ପର୍ବ ଅନୁଷ୍ଠିତ ହୋଇଛି । କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ କେନ୍ଦ୍ର ସହ ପ୍ରଭାରୀ ବିଜୟସିଂ ତୋମାର ଙ୍କୁ ବିରାଟ ପଟୁଆରରେ ସ୍ବାଗତ କରାଯିବା ସହ ତାଙ୍କ ଉପସ୍ଥିତିରେ ପିପିଲି ବ୍ଲକ ଜଗନ୍ନାଥପୁର ପଂଚାୟତ ଠାରେ ବିଜେପିର ଏହି ଆୟୋଜିତ ମହାମିଶ୍ରଣ ପର୍ବ ଆୟୋଜିତ କରାଯାଇଥିଲା । ଏହି ମହା ମିଶ୍ରଣ ପର୍ବରେ ଜାତୀୟ ଦଳିତ ଆଦିବାସୀ ମାଇନାରିଟି ମହାସଂଘର ରାଜ୍ୟ ସଭାପତି ବିଜୟ ସେଠୀ ଙ୍କ ସମେତ ୨୧ ଜଣ ସଂଗଠନର ବରିଷ୍ଠ ନେତା ଓ ୩୦୦ ରୁ ଉର୍ଦ୍ଧ କର୍ମକର୍ତ୍ତା ବିଧିବଧ ଭାବେ ବିଜେପିରେ ସାମିଲ ହୋଇଛନ୍ତି । ଏହି ଉତ୍ସବରେ ବିଜେପି ପ୍ରାର୍ଥୀ ଆଶ୍ରିତ ପଟ୍ଟନାୟଙ୍କ ସହ ଓଡିଶାର ସହ ପ୍ରଭାରୀ ତଥା ସାଂସଦ ବିଜୟସିଂ ତୋମର , ରଷ୍ଟ୍ରୀୟ ପ୍ରବକ୍ତା ସମ୍ବିତ ପାତ୍ର , ବ୍ରହ୍ମଗିରି ବିଧାୟକ ଲଳିତେନ୍ଦୁ ବିଦ୍ୟାଧର ମହାପତ୍ର , ପୁରୀ ବିଧାୟକ ଜୟନ୍ତ କୁମାର ସଡଙ୍ଗୀ, ବିଜେପି ର ଅନ୍ୟ ବିଧାୟକ ମାନେ ଯୋଗଦେଇଥିଲେ । ଦଳିତ ସଂଘର ପ୍ରାୟ ୧୫ ହଜାର ଭୋଟ ବିଜେପି ପ୍ରାର୍ଥୀ ଆଶ୍ରିତ ପଟ୍ଟନାୟଙ୍କ ସପକ୍ଷରେ ଯିବ ବୋଲି ବିଜୟ ସେଠୀ ପ୍ରତିକ୍ରିୟା ରଖିଛନ୍ତି ।
