ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର : ମେଡିକାଲ ପାଠ୍ୟକ୍ରମରେ ନାମଲେଖା ପାଇଁ ରବିବାର ନିଟ୍ – ୟୁଜି ପରୀକ୍ଷା ଅନୁଷ୍ଠିତ ହେବା । ଅପରାହ୍ନ ୨ଟାରୁ ୫ଟା ମଧ୍ୟରେ ପେନ୍ ଓ ପେପର ମାଧ୍ୟମରେ ହେବାକୁ ଥିବା ଏହି ପରୀକ୍ଷା ଲାଗି ସମସ୍ତ ପ୍ରସ୍ତୁତି ଶେଷ ହୋଇଛି । ଦେଶରେ ୧୬ ଲକ୍ଷରୁ ଅଧିକ ଛାତ୍ରଛାତ୍ରୀ ୨୦୨ଟି ସହରର ୩୮୬୨ଟି କେନ୍ଦ୍ରରେ ପରୀକ୍ଷା ଦେବେ ଓଡ଼ିଆ ସମେତ ୧୩ଟି ଭାଷାରେ ଏହି ସର୍ବଭାରତୀୟ ପ୍ରବେଶିକା ପରୀକ୍ଷା ଅନୁଷ୍ଠିତ ହେବା
ଓଡ଼ିଶାର ୧୬ଟି ସହରରେ ୩୭ ହଜାରରୁ ଅଧିକ ପରୀକ୍ଷାର୍ଥୀ ରହିଛନ୍ତି । ଅନୁଗୁଳ ସମେତ ଭୁବନେଶ୍ୱର , ବାଲେଶ୍ବର , ବ୍ରହ୍ମପୁର , କଟକ , ରାଉରକେଲା , ସମ୍ବଲପୁର , ବଲାଙ୍ଗୀର , ଭବାନୀପାଟଣା , କେନ୍ଦୁଝର , କୋରାପୁଟ , ମାଲକାନଗିରି , ପାରଳାଖେମୁଣ୍ଡି , ଫୁଲବାଣୀ , ରାୟଗଡ଼ା , ପୁରୀ ସହରରେ ୮୩ଟି ପରୀକ୍ଷା କେନ୍ଦ୍ର ହୋଇଛି । ଭୁବନେଶ୍ବରରେ ସର୍ବାଧିକ ୧୬ଟି କେନ୍ଦ୍ରରେ ୧୦ ହଜାର ୯୯୬ ଜଣ ପରୀକ୍ଷାର୍ଥୀ ଏଥିରେ ସାମିଲ ହେବେ । ପରୀକ୍ଷାର ସୁପରିଚାଳନା ପାଇଁ ବ୍ୟାପକ ସୁରକ୍ଷା ବ୍ୟବସ୍ଥା ହୋଇଛି । ଏଥିସହ କୋଭିଡ୍ କଟକଣା କଡ଼ାକଡ଼ି ପାଳନ କରିବାକୁ ନ୍ୟାସନାଲ ଟେଷ୍ଟି ଏଜେନ୍ସି ( ଏଟିଏ ) ପକ୍ଷରୁ ନିୟମାବଳି ଜାରି କରାଯାଇଛି ।
ପରୀକ୍ଷା କେନ୍ଦ୍ରକୁ ପ୍ରବେଶ କରିବା ସମୟରେ ସାମାଜିକ ଦୂରତା ରକ୍ଷା ସହ ପରୀକ୍ଷା କେନ୍ଦ୍ରରେ ଉପଲବ୍ଧ ଏନ୍ ୯୫ ମାସ୍କକୁ ନିଶ୍ଚିତ ଭାବେ ବ୍ୟବହାର କରିବା , ବ୍ୟାଣ୍ଡ ସାନିଟାଇଜରର ବ୍ୟବହାର , କାଶିବା ଓ ଛିଙ୍କିବା ସମୟରେ ନିଜ ମୁହଁ ଓ ନାକକୁ ଟିଫ୍ଲୋରୁମାଲ ଦ୍ବାରା ଘୋଡ଼ାଇବା , କୌଣସି ରୋଗର ଲକ୍ଷଣ ଥିଲେ ଯଥାଶୀଘ୍ର ରିପୋର୍ଟ କରିବାକୁ ପିଲାଙ୍କୁ ପରାମର୍ଶ ଦିଆଯାଇଛି । ପରୀକ୍ଷା କେନ୍ଦ୍ରକୁ ଯିବା ବେଳେ ପ୍ରାର୍ଥୀଙ୍କୁ ସ୍ବଚ୍ଛ ପାଣି ବୋତଲ , ଏକ ଅତିରିକ୍ତ ଫଟୋ , ବ୍ୟକ୍ତିଗତ ହାଣ୍ଡ ସାନିଟାଇଜର , ପ୍ରବେଶପତ୍ର ସହ ଡାଉଲୋଡ ଅଣ୍ଡରଟେକିଂରେ ଲଗାଇବା ପାଇଁ ଏକ ପୋଷ୍ଟକାର୍ଡ ସାଇଜର ଫଟୋ ବିଧିବଦ୍ଧ ଭାବେ ପୂରଣ ହୋଇଥିବା ଆବଶ୍ୟକ କେନ୍ଦ୍ରରେ ପହଞ୍ଚିବା ପୂର୍ବରୁ ପ୍ରାର୍ଥୀ ଅଣ୍ଡରଟେକିଂରେ ଆବଶ୍ୟକ ବିବରଣୀକୁ ସ୍ପଷ୍ଟ ଅକ୍ଷରରେ ପ୍ରଦାନ କରିବା ଉଚିତ କୌଣସି ପ୍ରକାର ବୈଦ୍ୟୁତିକ ଉପକରଣ , ମୋବାଇଲ୍ ଫୋନ୍ ଓ ଅନ୍ୟାନ୍ୟ ନିଷିଦ୍ଧ ସାମଗ୍ରୀ ପରୀକ୍ଷା କେନ୍ଦ୍ରକୁ ନେବାକୁ ପ୍ରାର୍ଥୀଙ୍କୁ ଅନୁମତି ମିଳିବ ନାହିଁ। ବ୍ୟକ୍ତିଗତ ସୁରକ୍ଷା ପାଇଁ ପରୀକ୍ଷା ଅଧିକାରୀ ଦାୟୀ ରହିବେ ନାହିଁ । ଏଥିପାଇଁ କୌଣସି ସୁବିଧା ମଧ୍ୟ ପ୍ରଦାନ କରାଯିବ ନାହିଁ । ପରୀକ୍ଷା ଓ କୋଭିତ୍ – ୧୯ ସମ୍ବନ୍ଧିତ ଗୁରୁତ୍ଵପୂର୍ଣ୍ଣ ପରାମର୍ଶ ନିର୍ଦ୍ଦେଶ ପ୍ରାର୍ଥୀଙ୍କ ପ୍ରବେଶପତ୍ରରେ ଉଲ୍ଲେଖ ହୋଇଛି । ନିୟମକୁ କଡ଼ାକଡ଼ି ଭାବେ ପାଳନ କରିବାକୁ କୁହାଯାଇଛି ।
