ଚିକିତ୍ସିତ ହେଉଛନ୍ତି ମନ୍ତ୍ରୀ ପ୍ରତାପ ଜେନାଙ୍କ

  ସନଷ୍ଟାର ଟିଭି ବ୍ୟୁରୋ

 ଭୁବନେଶ୍ବର: ରାଜ୍ୟ ନଗର ଉନ୍ନୟନ, ପଞ୍ଚାୟତିରାଜ ଓ ଆଇନମନ୍ତ୍ରୀ ପ୍ରତାପ ଜେନା ଅସୁସ୍ଥ ଥିବାର ସୂଚନା ମିଳିଛି।  ମିଳିଥିବା ସୂଚନା ଅନୁସାରେ ଗତକାଲି ରାତିରେ ମନ୍ତ୍ରୀ ତାଙ୍କ ଛାତିରେ ଯନ୍ତ୍ରଣା ଅନୁଭବ କରିଥିଲେ।  ଏହାପରେ ତାଙ୍କୁ ଭୁବନେଶ୍ବର ଆପୋଲ ହସ୍ପତାଲରେ ଭର୍ତ୍ତି କରାଯାଇଥିଲା।  ଏହାପରେ ତାଙ୍କର ସ୍ବାସ୍ଥ ପରୀକ୍ଷା କରାଯାଇଥିଲା। ସେଠାରୁ ଜାଣିପଡିଥିଲା ଯେ ତାଙ୍କର ଛାତିରେ ଦୁଇଟି ବ୍ଲକେଜ ରହିଥିଲା। ଏହାପରେ ତାଙ୍କର ଅସ୍ତ୍ରୋପଚାର କରାଯାଇଛି। ବର୍ତ୍ତମାନ ତାଙ୍କର ଅବସ୍ଥା ସ୍ଥିର ଥିବାର ସୂଚନା ମିଳିଛି।