ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ଯେତେ ବେଳେ ଗୋଟିଏ ଛୁଆ ଦୁନିଆକୁ ଆସେ ତାକୁ ନେଇ ବାପା ମାଆ ଆଖିରେ ଆଖିଏ ସ୍ବପ୍ନ ଦେଖିଥାଏ। ସେହିପରି ଯେତେ ବେଳେ ଗୋଟିଏ ଛୁଆ ବଡ ହୁଏ ସେ ବାପା ମାଆଙ୍କର ପ୍ରତିଟି ସ୍ବପ୍ନକୁ ପୂରା କରିବା ପାଇଁ ଚେଷ୍ଟା କରନ୍ତି। ଆଉ ଯେତେ ବେଳେ ବାପା ମାଆଙ୍କର ସେହି ଛୋଟ ଛୋଟ ଆଶା ପୂରଣ ହୁଏ ଆଉ ଆମେ ତାଙ୍କୁ ଖୁସିରେ ଦେଖୁ ତାହା ଠାରୁ ଅଧିକ ତୃପ୍ତିକର ଏ ସାରା ଜଗତରେ ଆଉ କିଛି ଭି ନୁହେଁ। ଆଜି ସେମିତି ଗୋଟିଏ ବାପା ମାଆଙ୍କର ଆଶାକୁ ପୂରଣ କରିବା ପରେ ନିଜର ଅନୁଭବ ଟ୍ବିଟରରେ ସେୟାର କରିଛନ୍ତି ନୀରଜ ଚୋପ୍ରା। ଟୋକିଓ ଅଲିମ୍ପିକ୍ସରେ ସ୍ୱର୍ଣ୍ଣ ପଦକ ଜିତି ଇତିହାସ ସୃଷ୍ଟି କରିଥିବା ଭାରତୀୟ ଆଥଲେଟ୍ ନୀରଜ ଚୋପ୍ରାଙ୍କ ଆଉ ଏକ ସ୍ୱପ୍ନ ସାକାର ହୋଇଛି । ଜାଭେଲିନ୍ ଥ୍ରୋରେ ଭାରତର ପ୍ରଥମ ଅଲିମ୍ପିକ୍ ପଦକ ଜିତିଥିବା ନୀରଜ ଶନିବାର ଟ୍ୱିଟ୍ କରି ଖୁସି ବ୍ୟକ୍ତ କରିଛନ୍ତି । ଚାର୍ଟାର୍ଡ ବିମାନରେ ନୀରଜ ତାଙ୍କ ପିତାମାତାଙ୍କ ସହ ଏକ ଫଟୋ ସେୟାର କରିଥିଲେ ।
ସେ ଚିତ୍ର ସେୟାର କରି ଏହାର କ୍ୟାପସନରେ ଲେଖିଥିଲେ, ‘ଆଜି ଜୀବନର ସ୍ୱପ୍ନ ସାକାର ହେଲା । ଯେତେବେଳେ ମୁଁ ମୋର ପିତାମାତାଙ୍କୁ ପ୍ରଥମ ଥର ବିମାନରେ ବସିଥିବାର ଦେଖିଲି । ସମସ୍ତଙ୍କ ପ୍ରାର୍ଥନା ଏବଂ ଆଶୀର୍ବାଦ ପାଇଁ ମୁଁ ସର୍ବଦା କୃତଜ୍ଞ ରହିବି ।
ପୂର୍ବରୁ ଏ ସବୁ ପାଇଁ ନିରଜ ସକ୍ଷମ ନଥିଲେ । ବର୍ତ୍ତମାନ ସେ ବାପା ମାଆଙ୍କର ସ୍ବପ୍ନକୁ ବାସ୍ତବ ରୂପ ଦେଇ ପାରିବାରୁ ନିଜର ଖୁସି ବ୍ୟକ୍ତ କରିଛନ୍ତି।
