ମାର୍କେଟକୁ ଆସିଲା ୨ହଜାର ଟଙ୍କାରୁ କମରେ ଫୋନ

ସନଷ୍ଟାର ଟିଭି ବ୍ୟୁରୋ

ନୂଆଦିଲ୍ଲୀ: ରିୟଲମିର ନୂଆ ସବ-ବ୍ରାଣ୍ଡ ଡିଜୋ( Dizo) ଦୁଇ ନୂଆ ଫିଚର ଫୋନ୍ସ ଲଞ୍ଚ କରିଛି । Dizo Star 300 ଓ  Dizo Star 500 ୨ଟି ନୂଆ ଫିଚର ଫୋନ୍ । ସବୁ ଠାରୁ ବଡକଥା ଏହି ଫୋନର ଦାମ୍ ୨ ହଜାର ଟଙ୍କାରୁ ବି କମ୍ । କିଛି ଦିନ ପୂର୍ବରୁ ଡିଜୋ ୨ ନୂଆ ପ୍ରଡକ୍ଟ Dizo GoPods D ଓ Dizo Wireless ଲଞ୍ଚ୍ କରିଥିଲା । ଏହି ୨ ନୂଆ ଫିଚର ଫୋନର କିଛି ଖାସ୍ ଫିଚର୍ । । ଏହି ୨ ଫିଚର ଫୋନ୍ସକୁ ଖୁବ ଶୀଘ୍ର ଅଫଲାଇନ୍ ମାର୍କେଟରେ ମଧ୍ୟ ବିକ୍ରି ପାଇଁ ବ୍ୟବସ୍ଥା କରିବ କମ୍ପାନୀ ।

Dizo Star 300ରେ ୧,୭୭ ଇଞ୍ଚର ଡିସପ୍ଲେ ରହିଛି । ଫୋନରେ ୨୫୫୦ ଏମଏଏଚ୍ ବ୍ୟାଟେରୀ ରହିଛି । ଷ୍ଟୋରେଜ ପାଇଁ ଏଥିରେ ୩୨ ଏମବି ଇଣ୍ଟରନାଲ୍ ଷ୍ଟୋରେଜ ଦିଆଯାଇଛି । ଫୋନରେ ସମୁଦାୟ ୮ଗୋଟି ଭାଷାର ସପୋର୍ଟ ମିଳିବ। ଫଟୋ ପାଇଁ ଏଥିରେ୦.୩ ମେଗାପିକ୍ସେଲର କ୍ୟାମେରା ରହିଛି। ଏହି Realme Dizo Star 300ର ଦାମ୍ ଭାରତରେ ୧୨୯୯ ଟଙ୍କା

ସେହିପରି ଅନ୍ୟ ମଡେଲରେ ୨.୮ ଇଞ୍ଚର ବଡ ଡିସପ୍ଲେ ସହ ୧୯୦୦ ଏମଏଏଚ୍ ବ୍ୟାଟେରୀ ଦିଆଯାଇଛି । ଏଥିରେ ବ୍ଲୁଟୁଥ୍, କ୍ୟାଲେଣ୍ଡର, ଆଲାର୍ମ, କ୍ୟାଲକୁଲେଟର, ସାଉଣ୍ଡ ରେକର୍ଡର ଓ ଫାଇଲ୍ ମ୍ୟାନେଜର ଭଳି ଫିଚର୍ସ ମିଳିବ । ଏଥିରେ ଏଲଇଡି ଫ୍ଲାଶ୍ ସହିତ୦.୩ ମେଗାପିକ୍ସେଲର କ୍ୟାମେରା ଦିଆଯାଇଛି । ଏଥିରେ ମଧ୍ୟ ଷ୍ଟୋର କରିବା ପାଇଁ ୩୨ ଏମବି ଇଣ୍ଟରନାଲ୍ ଷ୍ଟୋରେଜ୍ ଦିଆଯାଇଛି । Dizo Star 500ର ଦାମ୍ ୧୭୯୯ ଟଙ୍କା ରଖାଯାଇଛି। ଖୁବ ଶୀଘ୍ର ଏହି ୨ଟି ଯାକ ଫୋନ ଫ୍ଲିପକାର୍ଟରେ ଉପଲବ୍ଧ ହେବ।