ସନଷ୍ଟାର ଟିଭି ବ୍ୟୁରୋ
କଟକ: ଆଜିଠୁ ରେଭେନ୍ସା ବିଶ୍ୱବିଦ୍ୟାଳୟ ରେ ୟୁଜି ଓ ପିଜି ଛାତ୍ରଛାତ୍ରୀଙ୍କ ଫର୍ମପୂରଣ ପ୍ରକିୟା ଆରମ୍ଭ ହୋଇଛି । ଆସନ୍ତା ମାସ ୯ ତାରିଖ ପର୍ଯ୍ୟନ୍ତ ଚାଲିବ ଏହି ପ୍ରକିୟା । ୟୁଜିର କଳା, ବାଣିଜ୍ୟ ଓ ବିଜ୍ଞାନର ଛାତ୍ରଛାତ୍ରୀଙ୍କୁ ଦୁଇଟି ପେପର ପର୍ଯ୍ୟନ୍ତ ୧୨୦ ଟଙ୍କା, ଏବଂ ସମସ୍ତ ବିଷୟ ପାଇଁ ୩୦୦ ଟଙ୍କା ଦେବାକୁ ପଡ଼ିବ ବୋଲି ନୋଟିସ୍ ରେ ଉଲ୍ଲେଖ କରାଯାଇଛି ।
ସେହିପରି (ସେଲ୍ଫଫାଇନ୍ସାସିଙ୍ଗ କୋର୍ସ) ବିବିଏ, ଆଇଏସ୍ଟି, ଆଇଟିଏମ୍ ଏବଂ ଆଇଏମ୍ବିଏ ବିଭାଗର ଛାତ୍ରଛାତ୍ରୀଙ୍କୁ ଗୋଟିଏ ବ୍ୟାକ୍ ପେପର ପାଇଁ ୧୨୦ ଟଙ୍କା ଦେବାକୁ ଥିବା ବେଳେ ସମସ୍ତ ପେପର ପାଇଁ ୭୨୦ ଟଙ୍କା ଦେବାକୁ ପଡ଼ିବ ବୋଲି ନୋଟିସ୍ ରେ କୁହାଯାଇଛି । ସେହିପରି ପିଜି କଳା, ବିଜ୍ଞାନ ଓ ବାଣିଜ୍ୟ ବିଭାଗର ବ୍ୟାକ୍ ପେପର ପାଇଁ ୧୨୦ ଟଙ୍କା ଦେବାକୁ କୁହାଯାଇଥିବା ବେଳେ ଯେତେ ପେପର ପିଛା ସେତେ ୬୦ ଟଙ୍କା ଲେଖାଏଁ ଦେବାକୁ ପଡ଼ିବ ବୋଲି ଉଲ୍ଲେଖ କରାଯାଇଛି ।
