ସନଷ୍ଟାର ଟିଭି ବ୍ୟୁରୋ
ମୁମ୍ବାଇ: ବଲିଉଡ୍ ସୁପରଷ୍ଟାର ଅକ୍ଷୟ କୁମାର ନିଜର ସୁପରହିଟ୍ ଫିଲ୍ମ ପାଇଁ ସବୁବେଳେ ଚର୍ଚ୍ଚାରେ ରହିଥାନ୍ତି । ଗତ ବର୍ଷ ଠାରୁ ତାଙ୍କର ଅନେକ ଫିଲ୍ମ ରିଲିଜ ହେବା ଅପେକ୍ଷାରେ ରହିଛି ।କିନ୍ତୁ ଏବେ ରିଲିଜ ହୋଇଛି ଅକ୍ଷୟ କୁମାର ଓ ନୁପୁର ସାନନଙ୍କ ବହୁ ପ୍ରତିକ୍ଷିତ ମ୍ୟୁଜିକ ଭିଡିଓ ‘ଫିଲହାଲ୍ 2’ର ଟିଜର । ଅକ୍ଷୟ କୁମାର ନିଜ ସୋସିଆଲ୍ ମିଡିଆରେ ଏହି ଟିଜର ସେୟାର କରିଛନ୍ତି । ତେବେ ଏହି ଟିଜରକୁ ଦର୍ଶକେ ଖୁବ୍ ପସନ୍ଦ କରିଥିବା ଦେଖିବାକୁ ମିଳିଛି ।ମାତ୍ର 2 ଘଣ୍ଟାରେ ଏହି ପୋଷ୍ଟରକୁ 9 ଲକ୍ଷରୁ ଉର୍ଦ୍ଧ୍ବ ଦର୍ଶକ ଏହି ଟିଜରରେ ଲାଇକ୍ କରିଥିବା ଦେଖିବାକୁ ମିଳିଛି ।ଏଥିରେ ନୁପୁର ସାନନ୍ ବାହା ବେଶରେ ଓ ଅକ୍ଷୟ କୁମାର ସେହି ବାହାଘରରେ ବାରାତି ଡ୍ୟାନ୍ସ କରୁଥିବାର ଦେଖାଯାଉଛି । ଦୁଇ ଜଣଙ୍କ ଆଖିରେ ଲୁହ ଦେଖିବାକୁ ମିଳିଛି ।
ତେବେ 2019ରେ ମୁକ୍ତିଲାଭ କରିଥିବା ଏହାର ପ୍ରଥମ ମ୍ୟୁଜିକ ଭିଡିଓ ଅନେକ ରେକର୍ଡ ଭାଙ୍ଗିବାରେ ସଫଳ ହୋଇଥିଲା ଓ ବେଶ୍ ଲୋକପ୍ରିୟ ହୋଇଥିଲା । ଅକ୍ଷୟ ଫେମସ ଗାୟକ ବି ପ୍ରାକଙ୍କ ଏହି ଗୀତ ଜରିଆରେ ମ୍ୟୁଜିକ ଭିଡିଓ ଦୁନିଆରେ ଡେବ୍ୟୁ କରିଥିଲେ । ସେହିପରି ଅଭିନେତ୍ରୀ କ୍ରିତି ସାନନଙ୍କ ଭଉଣୀ ନୁପୁର ମଧ୍ୟ ଅଭିନୟ ଦୁନିଆରେ ପାଦ ଥାପିଥିଲେ । ପ୍ରଥମ ଗୀତର ସଫଳତା ପରେ ଦର୍ଶକଙ୍କ ଏହାର ସିକ୍ବେଲକୁ ନେଇ ବେଶ୍ ଉତ୍ସାହିତ ଅଛନ୍ତି ।
View this post on Instagram
