ସନଷ୍ଟାର ଟିଭି ବ୍ୟୁରୋ
ଶ୍ରୀନଗର: ଜାମ୍ମୁ କାଶ୍ମୀରର ମାଲୁରା ପାରିମ୍ପୋରା ଅଂଚଳରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଛି । ତେବେ ସୁରକ୍ଷାକର୍ମୀଙ୍କ ଗୁଳିରେ ଲସ୍କର-ଇ-ତାଇବା କମାଣ୍ଡର ସମେତ ସହିତ ଦୁଇ ଆତଙ୍କବାଦୀ ନିହତ ହୋଇଥିବା ପୋଲିସ୍ ପକ୍ଷରୁ ସୂଚନା ଦିଆଯାଇଛି । ଏଥିସହିତ ଘଟଣାସ୍ଥଳରୁ ଦୁଇଟି ଏକେ- 47 ରାଇଫଲ ସହିତ ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ କରାଯାଇଛି । ବର୍ତ୍ତମାନ ସମଗ୍ର ଅଞ୍ଚଳରେ ସର୍ଚ୍ଚ ଅପରେସନ୍ ଜାରି ରହିଛି ।
ତେବେ ନିହତ ହୋଇଥିବା କମାଣ୍ଡରଙ୍କ ନାମ ନଦୀମ୍ ଅବରାର୍ ହୋଇଥିବା ବେଳେ, ଚଳିତ ବର୍ଷ ଆରମ୍ଭରେ ଲାଭେପୁରାରେ ତିନିଜଣ ସିଆରପିଏଫ ଯବାନଙ୍କ ହତ୍ୟାରେ ସେ ସମ୍ପୃକ୍ତ ଥିଲା । ସେ ଅନେକ ଆତଙ୍କବାଦୀ ଘଟଣାରେ ଜଡିତ ଥିଲା ଅବରାର ନିହତ ହେବା ଘଟଣା ସୁରକ୍ଷା ବାହିନୀ ପାଇଁ ଏକ ବଡ ସଫଳତା ଅଟେ ।
ଏହି ଏନକାଉଣ୍ଟରରେ ସେନାବାହିନୀର ଜଣେ ଆସିଷ୍ଟାଣ୍ଟ କମାଣ୍ଡାଣ୍ଟ, ସବ୍ ଇନ୍ସପେକ୍ଟର ଏବଂ ଜଣେ ସିଆରପିଏଫ ଯବାନ ମଧ୍ୟ ଆହତ ହୋଇଛନ୍ତି ।
