ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଦେଶର ଆର୍ଥିକ ସ୍ଥିତିରେ ସୁଧାର ଆଣିବା ପାଇଁ ଆଜି ସହାୟତା ପ୍ୟାକେଜ୍ ଘୋଷଣା କରିଛନ୍ତି । ପର୍ଯ୍ୟଟକମାନଙ୍କୁ ଆକୃଷ୍ଟ କରିବା ପାଇଁ ୫ ଲକ୍ଷ ବିଦେଶୀ ପର୍ଯ୍ୟଟକଙ୍କୁ ମାଗଣାରେ ଭିଜା ଦେବାକୁ ଘୋଷଣା କରିଛନ୍ତି ଅର୍ଥମନ୍ତ୍ରୀ ।ସେ ପ୍ରେସ କନଫରେନ୍ସ ମାଧ୍ୟମରେ ସେ ଏନେଇ ଘୋଷଣା କରିଛନ୍ତି । ଏହି ଘୋଷଣା କରିବା ସମୟରେ ସେ କହିଛନ୍ତି ଯେ, 2019 ରେ ପ୍ରାୟ 10.93 ନିୟୁତ ବିଦେଶୀ ପର୍ଯ୍ୟଟକ ଭାରତ ପରିଦର୍ଶନ କରିଛନ୍ତି ଏବଂ ଅବକାଶ ଏବଂ ବ୍ୟବସାୟ ପାଇଁ 30.098 ବିଲିୟନ ଡଲାର ଖର୍ଚ୍ଚ କରିଛନ୍ତି । ଭାରତରେ ଜଣେ ବିଦେଶୀ ପର୍ଯ୍ୟଟକଙ୍କ ପାଇଁ ଦୈନିକ ରହିବା ପାଇଁ ହାରାହାରି 21 ଦିନ ହୋଇଥିବାବେଳେ ହାରାହାରି ଦୈନିକ ଖର୍ଚ୍ଚ ପ୍ରାୟ 2400 ଟଙ୍କା ($ 34 ) ଅଟେ |
ତେବେ ଏହି ଯୋଜନାରେ ପ୍ରତି ପର୍ଯ୍ୟଟକଙ୍କ ପାଇଁ ଲାଭ କେବଳ ଥରେ ଉପଲବ୍ଧ ହେବ | ଏହି ଯୋଜନା 31 ମାର୍ଚ୍ଚ, 2022 ପର୍ଯ୍ୟନ୍ତ କିମ୍ବା 5 ଲକ୍ଷ ଭିସା ପ୍ରଦାନ ନହେବା ପର୍ଯ୍ୟନ୍ତ ପ୍ରଯୁଜ୍ୟ ହେବ |ତେବେ ଏଥିରେ ପ୍ରାୟ 100 କୋଟି ବ୍ୟୟ ହେବ ବୋଲି ସେ କହିଛନ୍ତି |
ଅନ୍ୟପଟେ ପର୍ଯ୍ୟଟନ କ୍ଷେତ୍ରକୁ ନେଇ ବି ବଡ ଘୋଷଣା କରିଛନ୍ତି ଅର୍ଥମନ୍ତ୍ରୀ । ଏହି କ୍ରମରେ ୧୧ ହଜାରରୁ ଅଧିକ ଟୁରିଷ୍ଟ ଗାଇଡ ଓ ପର୍ଯ୍ୟଟନ ହିତାଧିକାରୀଙ୍କୁ ଆର୍ଥିକ ସହାୟତା ଯୋଗାଇ ଦିଆଯିବ । ମାନ୍ୟତା ପ୍ରାପ୍ତ ଗାଇଡଙ୍କୁ ୧ ଲକ୍ଷ ଟଙ୍କା ପର୍ଯ୍ୟନ୍ତ ଓ ମାନ୍ୟତା ପ୍ରାପ୍ତ ଭ୍ରମଣ ହୀତାଧିକାରୀଙ୍କୁ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ଉପଲବ୍ଧ କରାଯିବ ବୋଲି ଅର୍ଥମନ୍ତ୍ରୀ ଘୋଷଣା କରିଛନ୍ତି ।
