ସନଷ୍ଟାର ଟିଭି ବ୍ୟୁରୋ
ମୁମ୍ବାଇ: ନାବାଳିକା ବଳାତ୍କାର ଅଭିଯୋଗରେ କିଛି ଦିନ ତଳେ ଗିରଫ ହୋଇଥିବା ହିନ୍ଦୀ ଟେଲିଭିଜନ ଦୁନିଆର ଲୋକପ୍ରିୟ କଳାକାର ପର୍ଲ ଭି ପୁରୀଙ୍କୁ ନେଇ ଚର୍ଚ୍ଚା ବେଶ୍ ଜୋର ଧରିଛି । ବଳାତ୍କାର ଅଭିଯୋଗରେ ଗିରଫ ହେବା ପରେ ତାଙ୍କୁ ଜୁନ୍ 15 ତାରିଖରେ ବେଲ ମିଳିଛି । ତେବେ ସେହି ସମୟରେ ସୋସିଆଲ୍ ମିଡିଆରେ ଫ୍ୟାନ୍ସମାନେ ପର୍ଲ ଭି ପୁରୀଙ୍କୁ ସମର୍ଥନ କରିଥିବାର ମଧ୍ୟ ନଜର ଆସିଥିଲା । WE SUPPORT PEARL ସେତେବେଳେ ବେଶ୍ ଟ୍ରେଣ୍ଡିଙ୍ଗରେ ମଧ୍ୟ ଥିଲା । ତେବେ ଏଭଳି ସମୟରେ ପର୍ଲ ଏବେ ନଜରକୁ ଆସିଛନ୍ତି । ଫ୍ୟାନ୍ସମାନଙ୍କ ଏହି ସମର୍ଥନ ପାଇଁ ସେ ଧନ୍ୟବାଦ ଜଣାଇଛନ୍ତି । ସେ ଇନଷ୍ଟାଗ୍ରାମରେ ଏକ ପୋଷ୍ଟ କରି ଲେଖିଛନ୍ତି , ‘ଜୀବନ ନିଜ ହିସାବରେ ଲୋକମାନଙ୍କୁ ପରୀକ୍ଷା କରିଥାଏ ।
କିଛି ମାସ ପୂର୍ବେ ଆଇଁ ମାଙ୍କୁ ହରାଇଥିଲି, ତାଙ୍କ ମୃତ୍ୟୁ ହେବାର 17 ଦିନ ପରେ ବାପାଙ୍କୁ ହରାଇଥିଲି ତାପରେ ଜାଣିଲି ମାଙ୍କୁ କ୍ୟାନସର ହେଇଛି ଏବେ ପୁଣି ଏ ଭୟଙ୍କର ଆରୋପ । ବିଗତ କିଛି ସପ୍ତାହ ମୋ ପାଇଁ ଭୟଙ୍କର ସ୍ବପ୍ନଠାରୁ କିଛି କମ୍ ନୁହେଁ । ଗୋଟିଏ ରାତିରେ ମୋତେ ଅପରାଧି ପରି ଭାବିବାକୁ ବାଧ୍ୟ କରିଦେଲା । ପୁଣି ଏସବୁ ହେଲା ମୋ ମାଙ୍କ କ୍ୟାନସର ଚିକିତ୍ସା ସମୟ ମଧ୍ୟରେ । ଏହି ସମୟରେ ମୁଁ ମୋ ବନ୍ଧୁ,ମୋ ଫ୍ୟାନ୍ସ ଓ ମୋର ଶୁଭ ଚିନ୍ତକଙ୍କ ସହ ସଂପର୍କ କରିବାକୁ ଭାବିଲି । ଯେଉଁମାନେ ମୋର ସାଥ୍ ଦେଲେ ଓ ଭଲ ପାଇବା ଦେଲେ ସେମାନଙ୍କୁ ଧନ୍ୟବାଦ୍ । ମୁଁ ସତ୍ୟମେବ ଜୟତେ ଉପରେ ଭରସା ଅଛି । ଦେଶର ଆଇନ୍ କାନୁନ୍, ନ୍ୟାୟ ବ୍ୟବସ୍ଥା ଓ ଭଗବାନଙ୍କ ଉପରେ ମଧ୍ୟ ମୋର ଭରସା ଅଛି ।‘
View this post on Instagram
