ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ନିଜ ଲୋକପ୍ରିୟ ଅଭିନେତା ଅଭିନେତ୍ରୀଙ୍କୁ ଭେଟିବା ପାଇଁ ଫ୍ୟାନ୍ସମାନେ କେତେ କଣ କରିଥାନ୍ତି । ତାହାର ଏକ ଜ୍ୱଲନ୍ତ ଉଦାହରଣ ଦେଖିବାକୁ ମିଳିଛି । ସାଉଥ ସୁପରଷ୍ଟାର ରାମ ଚରଣଙ୍କୁ ଭେଟିବାକୁ ୨୩୧ କି.ମି ପାଦରେ ଚାଲିଚାଲି ପହଞ୍ଚିଥିଲେ ୩ ବଡ଼ ଫ୍ୟାନ୍ସ । ଏହି ୩ ଜଣ ଫ୍ୟାନ୍ସଙ୍କୁ ଦେଖି ଖୁସୀରେ କୋଳାଗ୍ରତ କରିପକାଇଲେ ରାମ ଚରଣ । ଏହି ୩ ଜଣ ଯୁବକ ତେଲେଙ୍ଗାନାର ଯୋଗୁଲାମ୍ବା ଗାଡୱାଲରୁ ବାହାରିଥିଲେ ଏବଂ ୪ ଦିନ ଧରି ଚାଲିଚାଲି ହାଇଦ୍ରାବାଦର ଜୁବଲି ହିଲ୍ସ ସ୍ଥିତ ରାମ ଚରଣଙ୍କ ଘରେ ପହଞ୍ଚିଥିଲେ ।
ଏହି ୩ ଜଣ ଯୁବକ ହେଉଛନ୍ତି ସନ୍ଧ୍ୟା ଜୟରାଜ, ରବି ଏବଂ ବୀରେଶ। ଜଣେ ଟ୍ଵିଟର ୟୁଜର ବିଷ୍ଣୁ ଥେଜ୍ ପୁଟୁ ରାମ ଚରଣଙ୍କ ସହ ଏହି ୩ ଫ୍ୟାନ୍ସଙ୍କ ଫଟୋ ଅପଲୋଡ କରିଛନ୍ତି । ସେ ଏଥିରେ କ୍ୟାପ୍ସନ ଲେଖିଛନ୍ତି ଯେ, ମେଗା ପାୱାର ରାମ ଚରଣ ତାଙ୍କ ଫ୍ୟାନ୍ସଙ୍କୁ ଦେଖା କରିଛନ୍ତି ।ତେବେ ଏହି ଟ୍ୱିଟକୁ ଅନେକ ଲୋକ ପସନ୍ଦ କରିଛନ୍ତି ।
