ସନଷ୍ଟାର ଟିଭି ବ୍ୟୁରୋ
ସାଉଥମ୍ପଟନ: ଭାରତ ଓ ନ୍ୟୁଜଲ୍ୟାଣ୍ଡ ମଧ୍ୟରେ ଆଜିଠୁ ଆରମ୍ଭ ହେବାକୁ ଯାଉଛି ବିଶ୍ୱ ଟେଷ୍ଟ ଚାମ୍ପିଅନସିପ୍ ଫାଇନାଲ ମ୍ୟାଚ୍ । ଚାମ୍ପିଅନସିପ୍ ଫାଇନାଲ ଟ୍ରଫି କୁ ହାସଲ କରିବା ପାଇଁ ଭାରତ ଓ ନ୍ୟୁଜିଲାଣ୍ଡ ମଧ୍ୟରେ କଡ଼ା ମୁକାବିଲା ହେବ । ଭାରତୀୟ ସମୟ ଅପରାହ୍ଣ ୩ଟାରୁ ଆରମ୍ଭ ହେବ ଖେଳ ।
ଏହି ମ୍ୟାଚ୍କୁ ନେଇ କେବଳ ଭାରତ ଓ ନ୍ୟୁଜିଲାଣ୍ଡରେ ନୁହଁ ସାରା ବିଶ୍ୱର କ୍ରିକେଟ୍ପ୍ରେମୀଙ୍କ ମହଲରେ ଉତ୍କଣ୍ଠା ଦେଖାଯାଇଛି । ଟେଷ୍ଟକୁ ନେଇ ଆଇସିସି ଆରମ୍ଭ କରିଥିବା ଏହି ନୂଆ ଟୁର୍ଣ୍ଣାମେଣ୍ଟରେ । ଆଉ କିଛି ସମୟର ଅପେକ୍ଷା ପରେ ଆରମ୍ଭ ହୋଇଯିବ ଏହି ବହୁ ପ୍ରତୀକ୍ଷିତ ମୁକାବିଲା । ତେବେ ସାଉଥମ୍ପଟନରେ ପାଣିପାଗ ଖରାପ ରହିବ ବୋଲି ପୂର୍ବାନୁମାନ କରାଯାଉଛି । ଏପରିକି ଖେଳ ନହେବା ଭଳି ମଧ୍ୟ ପରିସ୍ଥିତି ଦେଖା ଯାଇଛି ।
ଭାରତୀୟ ଚୂଡ଼ାନ୍ତ ଏକାଦଶ: ବିରାଟ କୋହଲି (ଅଧିନାୟକ), ରୋହିତ ଶର୍ମା, ଶୁଭମନ ଗିଲ, ଚେତେଶ୍ୱର ପୂଜାରା, ଅଜିଙ୍କ୍ୟ ରାହାଣେ, ରିଷଭ ପନ୍ତ, ରବିନ୍ଦ୍ର ଜାଡେଜା, ରବିଚନ୍ଦ୍ରନ ଅଶ୍ୱିନ, ଯଶପ୍ରୀତ ବୁମରା, ଈଶାନ୍ତ ଶର୍ମା ଓ ମହମ୍ମଦ ସାମି ।
ନ୍ୟୁଜିଲାଣ୍ଡର ୧୫ ଜଣିଆ ଦଳ: କେନ୍ ୱିଲିୟମସନ୍ (ଅଧିନାୟକ), ଟମ୍ ବ୍ଲଣ୍ଡେଲ୍, ଟ୍ରେଣ୍ଟ ବୋଲ୍ଟ, ଡେଭନ୍ କନୱେ, କଲିନ୍ ଡି’ଗ୍ରାଣ୍ଡହୋମ୍, ମ୍ୟାଟ୍ ହେନରୀ, କେଲି ଜାମିସନ, ଟମ୍ ଲାଥମ, ହେନରୀ ନିକୋଲ୍ସ, ଅଜାଜ ପଟେଲ, ଟିମ୍ ସାଉଦି, ରସ ଟେଲର, ନିଲ ୱାଗନର, ବିଜେ ୱାଟଲିଙ୍ଗ୍, ୱିଲ୍ ୟଙ୍ଗ୍ ।
