ସନଷ୍ଟାର ଟିଭି ବ୍ୟୁରୋ
ଗଜପତି:ଗଜପତି ଜିଲ୍ଲା ରାୟଗଡା ବ୍ଲକ ଅନ୍ତର୍ଗତ ମଣ୍ଡଳସାହି ରାସୀବାଡ଼ ଘାଟି ନିକଟରେ ଏକ ସଡ଼କ ଦୁର୍ଘଟଣା ଘଟିଛି ! ଦୁର୍ଘଟଣାରେ ଜଣେ ମୃତ, ୩ ଗୁରୁତର, ୧୫ ଜଣ ଆହତ ହୋଇଛନ୍ତି । ଜିଓ କମ୍ପାନୀର କାମ ପାଇଁ ଶ୍ରମିକ ମାନେ ଏକ ଡାଲା ଅଟୋରେ ରାମଗିରି ଠାରୁ ପାରଳାଖେମୁଣ୍ଡି ଆସୁଥିବା ରାସ୍ତାରେ ସଡ଼କ ଦୁର୍ଘଟଣା ଘଟିଛି , ଦୁର୍ଘଟଣାରେ ମୃତ୍ୟୁବରଣ କରିଥିବା ମୃତବ୍ୟକ୍ତି ଜଣକ ହେଲେ ସୋରସେମ ମୁଣ୍ଡା ! ସେ ସୁନ୍ଦରଗଡ଼ ଜିଲ୍ଲାର ରାଉରକେଲା ସହରର ତୁମାଙ୍ଗ ଗଢା ଗ୍ରାମର । ପ୍ରଥମେ ଆହତ ମାନଙ୍କୁ ରାୟଗଡ଼ା ସ୍ଥିତ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରଠାରେ ଭର୍ତ୍ତି କରାଯାଇଥିଲା ଏବଂ ଗୁରୁତର ଅବସ୍ଥାରେ ଥିବା ୩ଜଣଙ୍କୁ 108 ଆମ୍ବୁଲାନ୍ସ ସାହାଯ୍ୟରେ ପାରଳାଖେମୁଣ୍ଡି ସ୍ଥିତ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଘଟଣା ସ୍ଥଳରେ ଜିରାଙ୍ଗ ଫାଣ୍ଡିର ପୋଲିସ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
ରିପୋର୍ଟ:-ଦେବାଶିଷ କାର୍ଜି,ଆର.ଉଦୟଗିରି
