ସନଷ୍ଟାର ଟିଭି ବ୍ୟୁରୋ
ଥିରୁଅନନ୍ତପୁରମ: କେରଳର ମୁଖ୍ୟମନ୍ତ୍ରୀ ଭାବେ ଦ୍ୱିତୀୟ ଥର ଲାଗି ଐତିହାସିକ ବିଜୟ ପରେ ଆଜି(ଗୁରୁବାର) ଶପଥ ନେବାକୁ ଯାଉଛନ୍ତି ମୁଖ୍ୟମନ୍ତ୍ରୀ ପିନାରାୟୀ ବିଜୟନ । ସାଢେ 3ଟାରେ ସେଣ୍ଟ୍ରାଲ ଷ୍ଟାଡିୟମରେ ସମସ୍ତ କୋଭିଡ ନିୟମକୁ ପାଳନ କରି ଶପଥ ପାଠ ଗ୍ରହଣ କରିବେ । ମୁଖ୍ୟମନ୍ତ୍ରୀଙ୍କ ସମେତ ତାଙ୍କ କ୍ୟାବିନେଟର 20 ଜଣ ମନ୍ତ୍ରୀ ମଧ୍ୟ ସମାରୋହରେ ଶପଥ ପାଠ କରିବେ ବୋଲି ଜଣାପଡିଛି ।
ରାଜ୍ୟପାଳ ଅରିଫ ମହମ୍ମଦ ଖାନ ମୁଖ୍ୟମନ୍ତ୍ରୀ ଓ ଅନ୍ୟ କ୍ୟାବିନେଟ ମନ୍ତ୍ରୀଙ୍କୁ ଶପଥ ପାଠ କରାଇବେ । ସମାରୋହରେ 500 ଅତିଥିଙ୍କୁ ସାମିଲ ହେବେ । ବର୍ତ୍ତମାନ କୋରୋନା ସଂକ୍ରମଣକୁ ଦୃଷ୍ଟିରେ ରଖି ରାଜ୍ୟର ରାଜଧାନୀ ଥିରୁଅନନ୍ତପୁରମଠାରେ ସରକାର ଟ୍ରିପଲ ଲକଡାଉନ ଲାଗୁ କରିଛନ୍ତି । ସେପଟେ ସରକାର ଗଢିବାକୁ ଯାଉଥିବା LDF ଦଳର ମୁଖ୍ୟ ପ୍ରତିଦ୍ବନ୍ଦ୍ବୀ UDFକୁ ସମାରୋହରେ ଯେକୌଣସି ଉପାୟରେ ମଧ୍ୟ ସାମିଲ କରାଯିବ । ତେବେ ସେମାନେ ଅନଲାଇନ ମାଧ୍ୟମରେ ସମାରୋହରେ ଯୋଗ ଦେବେ ବୋଲି ଜଣାପଡିଛି ।ପୂର୍ବରୁ ମୁଖ୍ୟମନ୍ତ୍ରୀଙ୍କ ଶପଥ ପାଠ ସମାରୋହକୁ ନେଇ ବିବାଦ ଦେଖିବାକୁ ମିଳିଥିଲେ । କୋରୋନା ମହାମାରୀ ସମୟରେ ସମାରୋହରେ ଅଧିକ ସଂଖ୍ୟ ଅତିଥିଙ୍କ ଯୋଗଦାନକୁ ନେଇ ଏହି ବିବାଦ ଦେଖିବାକୁ ମିଳିଥିଲା । ଏଥିଲାଗି କେରଳ ହାଇକୋର୍ଟ ଓ ସୁପ୍ରିମକୋର୍ଟରେ 500 ଅତିଥିଙ୍କ ଯୋଗଦାନକୁ ନେଇ ଜନସ୍ବାସ୍ଥ୍ୟ ମାମଲା ମଧ୍ୟ ରୁଜୁ କରାଯାଇଥିଲା ।CPIMର 12 ଜଣ ମନ୍ତ୍ରୀଙ୍କ ସମେତ ମୁଖ୍ୟମନ୍ତ୍ରୀ CPIର 4 ଜଣ ମନ୍ତ୍ରୀ, ଏଲଡିଏଫ 5 ଜଣ ମନ୍ତ୍ରୀ ଏବଂ ଜନତା ଦଳ, କେରଳ କଂଗ୍ରେସ ଏମ, ଜନଧିପାଥ୍ୟ କେରଳ କଂଗ୍ରେସ, ଇଣ୍ଡିଆନ ନ୍ୟାସନାଲ ଲିଗ ଓ ନ୍ୟାସନାଲିଷ୍ଟ କଂଗ୍ରେସ ପାର୍ଟିର ଜଣେ ଲେଖାଏଁ ମନ୍ତ୍ରୀ ଶପଥ ପାଠ କରିବେ । ପ୍ରତ୍ୟେକ ଗଣମାଧ୍ୟମ ସଂସ୍ଥାର ଜଣେ ପ୍ରତିନିଧି ସମାରୋହରେ ଉପସ୍ଥିତ ରହିବା ସହିତ ସଂସ୍ଥାର କ୍ୟାମେରା ସମାରୋହ ମୁହୂର୍ତ୍ତକୁ କଏଦ କରିବାକୁ ଅନୁମତି ମିଳିନାହିଁ । ସମାରୋହରେ ସାମିଲ ହେବାକୁ ଥିବା ଅତିଥିଙ୍କ ପାଇଁ RT-PCR ଟେଷ୍ଟ ରିପୋର୍ଟ ବାଧ୍ୟତାମୂଳକ କରାଯାଇଛି ।
