ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ଟ୍ୱିନ ସିଟିରେ ବିଭାଘର ଓ ଅନ୍ତେଷ୍ଟି କ୍ରିୟାରେ ଅନୁମତି ନେବାକୁ ହେଲେ ଓ୍ୱେବସାଇଟ ମାଧ୍ୟମରେ କରିପାରିବେ ଆବେଦନ । ଏନେଇ ଦୈତ ନଗରୀର କମିଶନରେଟ୍ ପୁଲିସ ଶୁଭାରମ୍ଭ କରିଛନ୍ତି ଏକ ନୂତନ ଓ୍ୱେବସାଇଟ୍ । www.bhubaneswarcuttackpolice.gov.in ଓ୍ୱେବସାଇଟ୍ କିମ୍ୱା 115.243.153.201:8088/Admin/Login ମାଧ୍ୟମରେ ଉତ୍ସବର 72 ଘଣ୍ଟା ପୂର୍ବରୁ ନିଜର ସମସ୍ତ ବିବରଣୀ ଦେଇ ଆବେଦନ କରିପାରିବେ । ଏହାପରେ ଆବେଦନ ପତ୍ରରେ ଦିଆଯାଇଥିବା ନମ୍ୱରଗୁଡିକରେ ଡିସିପି ଅଫିସରୁ SMS ମାଧ୍ୟମରେ ଅନୁମୋଦନ କରାଯାଇଛି ବୋଲି ଜଣାଇ ଦିଆଯିବ । ଏହି SMSକୁ ଆବେଦନ କରି ଓ ଅନ୍ୟ ସଦସ୍ୟମାନେ ଅନୁମତି ପତ୍ର ଭାବରେ ବ୍ୟବାହର କରିପାରିବେ ।
ତେବେ ପ୍ରଥମ ପର୍ଯ୍ୟାୟରେ କେବଳ ରାଜଧାନୀ ଭୁବନେଶ୍ୱରର ସହରାଞ୍ଚଳରେ ଏହି ବ୍ୟବସ୍ଥା କରାଯାଇଥିବା ବେଳେ କିଛି ଦିନ ମଧ୍ୟରେ କଟକରେ ବି ଏହି ନିୟମ କାର୍ଯ୍ୟକାରୀ ହେବ ବୋଲି କମିଶନରେଟ୍ ପୁଲିସ ସୂଚନା ଦିଆଯାଇଛି । ତେବେ ଏହି ସମ୍ୱନ୍ଧିୟ କୌଣସି ଦ୍ୱନ୍ଦ୍ୱ ଥିଲେ 8144207100 ଓ୍ୱାଟ୍ସଆପ୍ ନମ୍ୱରରେ ମେସେଜ କଲେ ଏହାର ଯଥାର୍ଥ ଉତ୍ତର ପାଇପାରିବେ ବୋଲି କମିଶନରେଟ୍ ପୁଲିସ ସୂଚନା ଦେଇଛନ୍ତି ।
