ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ରାଜ୍ୟରେ କରୋନାର ଦ୍ୱିତୀୟ ଲହର ଜାରି ରହିଛି । ସଂକ୍ରମଣ ମଧ୍ୟ ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ରାଜ୍ୟରେ ପ୍ରତିଦିନ ଦଶ ହଜାର ଉପରେ ରହିଛି କରୋନା ସଂକ୍ରମଣ ସଂଖ୍ୟା । ତେବେ ଟ୍ୱିନ ସିଟି କଟକ ଓ ଭୁବନେଶ୍ୱରରେ ମଧ୍ୟ ସ୍ଥିତି ବେଶ୍ ସଂଗୀନ୍ ରହିଛି । ଆଜି ଟ୍ୱିନ ସିଟିରେ ହଜାରେ ଉପରେ ରହିଥିଲା ଦୈନିକ ସଂକ୍ରମଣ ସଂଖ୍ୟା । ତେବେ ଏହାକୁ ଦୃଷ୍ଟିରେ ରଖି ଟ୍ୱିନ ସିଟିରେ କୋଭିଡ ହସ୍ପିଟାଲ ଅନୁଧ୍ୟାନ ପାଇଁ ୪ଟି ଟିମ ଗଠନ କରାଯାଇଛି । ଏସସିବି ମେଡିକାଲ ପକ୍ଷରୁ ଏହି ଟିମ୍ ଗଠନ କରାଯାଇଥିବା ବେଳେ ପ୍ରତି ଟିମରେ ଦୁଇ ଜଣ ଡାକ୍ତରଙ୍କୁ ନିୟୋଜିତ କରାଯାଇଛି । ଗୋଟିଏ ଟିମ କଟକ ଦାୟିତ୍ୱରେ ଥିବା ବେଳେ ଅନ୍ୟ ତିନିଟି ଟିମ୍ ଭୁବନେଶ୍ୱରରେ କୋଭିଡ୍ ହସ୍ପିଟାଲ୍ ପରିଦର୍ଶନ କରିବେ । ଓ ପ୍ରତ୍ୟେକ ଦିନ ସ୍ଥିତି ଅନୁଧ୍ୟାନ କରି ଅପରାହ୍ଣ ୫ ଟା ସୁଦ୍ଧା ସରକାରଙ୍କୁ ରିପୋର୍ଟ ଦେବେ ।
