ସନଷ୍ଟାର ଟିଭି ବ୍ୟୁରୋ
ୱାସିଂଟନ୍: କୋଭି଼ଡ ଟିକାର ସମ୍ପୁର୍ଣ୍ଣ ଡୋଜ ନେଇଥିଲେ ମାକ୍ସ ପିନ୍ଧିବା କିମ୍ୱା ସାମାଜିକ ଦୂରତା ରକ୍ଷା କରିବା ଆବଶ୍ୟକ ନୁହେଁ ବୋଲି ଆମେରିକା ରାଷ୍ଟ୍ରପତି ଜୋ ବାଇଡେନ ଘୋଷଣା କରିଛନ୍ତି । ତେବେ ଏନେଇ ସେଣ୍ଟର୍ ଫର୍ ଡିଜିଜ୍ କଣ୍ଟ୍ରୋଲ୍ ଆଣ୍ଡ୍ ପ୍ରିଭେନ୍ସନ୍ (ସିଡିସି) ଗାଇଡଲାଇନ ଜାରି କରିବା ପରେ ଏପରି ପ୍ରତିକ୍ରିୟା ରଖିଥିଲେ ବାଇଡେନ ।
ହ୍ବାଇଟ୍ ହାଉସ୍ରେ ରାଷ୍ଟ୍ରପତି ବାଇଡେନ୍ ଆଉ ମଧ୍ୟ କହିଛନ୍ତି ଯେ, ଅଳ୍ପ କିଛି ସମୟ ତଳେ ‘ସେଣ୍ଟର୍ ଫର୍ ଡିଜିଜ୍ କଣ୍ଟ୍ରୋଲ୍ ଆଣ୍ଡ୍ ପ୍ରିଭେନ୍ସନ୍’ (ସିଡିସି) ଘୋଷଣା କରିଛି ଯେ, ଟିକା ସମ୍ପୂର୍ଣ୍ଣ କରିଥିବା ଲୋକେ ଆଉ ମାସ୍କ୍ ପିନ୍ଧିବା ଅନାବଶ୍ୟକ। ଉଭୟ ଘର ଓ ବାହାର ପାଇଁ ଏହି ପରାମର୍ଶ ପ୍ରଯୁଜ୍ୟ। ମୋ ମତରେ ଏଇଟା ଅତି ଉନ୍ନତ ପରିସ୍ଥିତି। ଆଜି ଦିନଟି ଶୁଭଙ୍କର। ଏତେ ସଂଖ୍ୟକ ଆମେରିକୀୟଙ୍କୁ ଏତେ ଜଲ୍ଦି ଟିକା ଦିଆଯାଇ ପାରିଥିବାରୁ ଏଭଳି ଅସମ୍ଭବ ସଫଳତା ହାସଲ ସମ୍ଭବ ହୋଇଛି ବୋଲି ସେ କହିଛନ୍ତି ।
