ସନଷ୍ଟାର ଟିଭି ବ୍ୟୁରୋ
କେନ୍ଦୁଝର: ରାଜ୍ୟରେ କ୍ରମାଗତ ଭାବେ କରୋନା ସଂକ୍ରମଣ ବୃଦ୍ଧି ପାଇବାରେ ଲାଗିଛି । ଲଗାତର କିଛି ଦିନ ହେବ 10 ହଜାର ଉପରେ କରୋନା ସଂକ୍ରମଣ ରହିଆସିଛି । ଏସବୁ ମଧ୍ୟରେ ଜେଲରେ ମଧ୍ୟ କରୋନା ଆକ୍ରାନ୍ତ ଦେଖିବାରେ ମିଳିଛି । କେନ୍ଦୁଝର ଜିଲ୍ଲା କାରାଗାରର ୯ ଜଣ କଏଦୀ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।
ଜିଲ୍ଲା କାରାଗାରର ସୂଚନା ଅନୁସାରେ ଗତ ମାସ ୨୮ ତାରିଖରେ ତିନି ଜଣ ଏକ ଚୋରୀ କେଶରେ କୋର୍ଟରୁ ଫରଓୟାର୍ଡ ହୋଇ ଜେଲକୁ ଆସିଥିଲେ । ଆଉ ସେ ସମୟରେ ସେମାନଙ୍କର ଥଣ୍ଡା , ଛିଙ୍କ , କାଶ ହେଉଥିଲା । ତେଣୁ ସେମାଙ୍କର କୋଭିଡ ଟେଷ୍ଟ କରାଯାଇଥିଲା । ପରେ ସେମାନେ କରୋନା ପଜିଟିଭ ଚିହ୍ନଟ ହୋଇଥିଲେ । ତେଣୁ ତାଙ୍କ ସଂସ୍ପର୍ଶରେ ଆସିଥିବା କଏଦୀ ମାନଙ୍କର ମଧ୍ୟ କୋଭିଡ ଟେଷ୍ଟ ହେବା ପରେ ଆଉ ୬ ଜଣଙ୍କର କରୋନା ପଜିଟିଭ ଚିହ୍ନଟ ହୋଇଥିଲେ । ବର୍ତ୍ତମାନ ଏହି ୯ ଜଣ ଆକ୍ରାନ୍ତଙ୍କ ମଧ୍ୟରୁ ତିନି ଜଣଙ୍କୁ ଜେଲରେ ଥିବା କୋଭିଡ ଓ୍ବାର୍ଡରେ ଓ ଅନ୍ୟ ୬ ଜଣ ଆଇସୋଲେସନ୍ ସେଣ୍ଟରରେ ରହି ଚିକିତ୍ସିତ ହେଉଛନ୍ତି । ଜିଲ୍ଲା ମୁଖ୍ୟ ଚିକିସ୍ତାଳୟ ପକ୍ଷରୁ କୋଭିଡ ଆକ୍ରନ୍ତ ମାନଙ୍କୁ ପିପିଇ କିଟ ଓ ଔଷଧ ଆଦି ସମସ୍ତ ପ୍ରକାରର ଚିକିତ୍ସା ସୁବିଧା ଯୋଗାଇ ଦିଆଯାଇଥିବା ଜେଲ ପକ୍ଷରୁ ସୂଚନା ଦିଆଯାଇଛି ।
