ସନ୍ଷ୍ଟାର ଟିଭି ବ୍ୟୁରୋ
ମୁମ୍ବାଇ: ବଲିଉଡ୍ ଅଭିନେତା ସୋନୁ ସୁଦ୍ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏନେଇ ସେ ନିଜେ ଟ୍ଵିଟ୍ କରି ସୂଚନା ଦେଇଛନ୍ତି । ସେ ଲେଖିଛନ୍ତି, ‘ବନ୍ଧୁଗଣ, ମୁଁ ଆପଣମାନଙ୍କୁ ସୂଚିତ କରିବାକୁ ଚାହୁଁଛି କି ମୁଁ କୋଭିଡ୍ ପଜିଟିଭ୍ ଚିହ୍ନଟ ହୋଇଛି । ମୁଁ ନିଜକୁ ସଙ୍ଗରୋଧରେ ରଖିଛି । ଚିନ୍ତାର କୌଣସି କାରଣ ନାହିଁ । ଏବେ ମୋତେ ବହୁତ ସମୟ ମିଳିବ । ମୁଁ ଆପଣମାନଙ୍କର ସମସ୍ୟା ଦୂର କରିବି । ମନେରଖନ୍ତୁ, ଯାହା ବି ସମସ୍ୟା ଆସୁ ମୁଁ ଆପଣମାନଙ୍କ ପାଖରେ ଅଛି’।
କରୋନାରେ ଆକ୍ରାନ୍ତ ଥିବା ସମୟରେ ମଧ୍ୟ ସେ ଲୋକମାନଙ୍କୁ ସାହାଯ୍ୟ କରିବାକୁ ପଛାଉନାହାନ୍ତି । ହସ୍ପିଟାଲରେ ଆଡମିଟ୍ ହୋଇ ମଧ୍ୟ ସେ ଲୋକମାନଙ୍କୁ ସାହାଯ୍ୟ କରୁଛନ୍ତି ।ତେବେ ପୂର୍ବ ବର୍ଷ କରୋନା ଆରମ୍ଭ ସମୟରେ ହଜାର ହଜାର ପ୍ରବାସୀମାନଙ୍କୁ ସାହାଯ୍ୟ କରି ବେଶ୍ ପ୍ରଂଶସା ସାଉଁଥିବା ସହ ଅନ୍ୟ ମାନଙ୍କ ପାଇଁ ଉଦାହରଣ ସାଜିଥିଲେ । ଲୋକମାନେ ତାଙ୍କୁ ଭଗବାନ ଙ୍କ ଆଖ୍ୟା ଦେଇଥିଲେ ।
— sonu sood (@SonuSood) April 17, 2021
