ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ବର: କଟକ ଏସ୍ସିବିରୁ ପୋଲିସ୍ ଆଖିରେ ଧୂଳି ଦେଇ ଖସି ପଳାଇଥିବା କୁଖ୍ୟାତ ଅପରାଧୀ ହାଇଦର ପୋଲିସ୍ ହାତରେ ଧରା ଦେଇ ପୁଣି ଆସି କଟକ ପହଞ୍ଚିଛି । ଗତକାଲି ତେଲେଙ୍ଗାନାରେ ଧରା ପଡିଥିଲା ହାଇଦର । ତେଲେଙ୍ଗାନାରୁ ବିମାନ ଯୋଗେ ଭୁବନେଶ୍ବର ଅଣାଗଲା ପରେ କଡ଼ା ସୁରକ୍ଷା ବଳୟ ଭିତରେ କଟକ ଡିସିପି ଅଫିସ୍କୁ ଅଣାଯାଇଛି । ସେଠାରେ ଡିସିପି ତାକୁ ପଚରାଉଚରା ଜାରି ରଖିଛନ୍ତି ।
ସୂଚନାଯୋଗ୍ୟ, ଗତ ଏପ୍ରିଲ ୧୦ ତାରିଖ ଦିନ ହାଇଦର ଏସ୍ସିବିରୁ ବିଳମ୍ଵିତ ରାତିରେ ଫେରାର୍ ହୋଇଯାଇଥିଲା । ଏହାପରେ ସମ୍ବଲପୁର ଏସପି କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ । ହାଇଦର ସୁରକ୍ଷାରେ ନିୟୋଜିତ ୬ ଜଣ ପୋଲିସ କର୍ମଚାରୀଙ୍କୁ ନିଲମ୍ବିତ କରାଯାଇଥିଲା । ଗତକାଲି ସନ୍ଧ୍ୟା ପ୍ରାୟ ୭ଟା ୩୦ ବେଳେ ହାଇଦ୍ରାବାଦ ସିଟି ପୁଲିସର ଏକ ସ୍ପେଶାଲ୍ ଟିମ୍ ସହାୟତାରେ କଟକ-କମିସନରେଟ୍ ପୁଲିସର ଦୁଇଟି ସ୍ବତନ୍ତ୍ର ଟିମ୍ ହାଇଦରକୁ ଧରିଥିଲେ ।
