ସନ୍ଷ୍ଟାର ଟିଭି ବ୍ୟୁରୋ
କଟକ: ରାଜ୍ୟରେ କରୋନାର ଦ୍ଵିତୀୟ ଲହର ଜାରି ରହିଛି । ଓ କରୋନା ସଂକ୍ରମଣ ହାର ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ତେବେ ଗତକାଲି ମୁସଲମାନ୍ ଭାଇଭଉଣୀମାନେ ପାଳନ କରିବେ ରମଜାନ ପର୍ବ । ତେବେ ରମ୍ଜାନରେ ମସଜିଦ୍ରେ ଭିଡକୁ ଏଜାଇବା ପାଇଁ କରୋନା କଟକଣା ଜାରି କରିଛନ୍ତି ସିଏମ୍ସି ।
ସିଏମସିର ଗାଇଡଲାଇନ ଅନୁଯାୟୀ, ମସଜିଦରେ ନମାଜ ପାଠ ପାଇଁ ଶହେ ଲୋକଙ୍କୁ ଅନୁମତି ପ୍ରଦାନ କରାଯିବ । ମାସ୍କ ବ୍ୟବହାର ଓ ୬ ଫୁଟର ସାମାଜିକ ଦୂରତ୍ଵ ବାଧ୍ୟତାମୂଳକ କରାଯାଇଛି । ମସଜିଦ ସମ୍ମୁଖରେ ହ୍ୟାଣ୍ଡ ସାନିଟାଇଜେସନ ଓ ଥର୍ମାଲ ସ୍କ୍ରିନିଂ ବ୍ୟବସ୍ଥା କରାଯାଇଛି । ସେହିପରି ବୟସ୍କ ବ୍ୟକ୍ତି, ବିଭିନ୍ନ ରୋଗରେ ଆକ୍ରାନ୍ତଙ୍କୁ ନମାଜ ପାଠ ପାଇଁ ଅନୁମତି ମିଳିବ ନାହିଁ ବୋଲି ସିଏମ୍ସି ପକ୍ଷରୁ ନିର୍ଦ୍ଦେଶ ଦିଆଯାଇଛି ।
