ସନ୍ଷ୍ଟାର ଟିଭି ବ୍ୟୁରୋ
ପୁରୀ: ପିପିଲିରେ ଉପନିର୍ବାଚନକୁ ଆଉ ମାତ୍ର ୬ ଦିନ ଥିବାବେଳେ ସେଠାରେ ପ୍ରମୁଖ ଦଳ ଗୁଡିକ ପକ୍ଷରୁ ନିର୍ବାଚନୀ ପ୍ରଚାର ଜୋରସୋରରେ ଚାଲିଛି । ତେବେ ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ବିଜେଡି ଉପନିର୍ବାଚନ ପାଇଁ ପ୍ରଚାର ମଇଦାନକୁ ଓହ୍ଲାଇଛନ୍ତି । ଆଜିଠୁ ସେ ଭର୍ଚୁଆଲର୍ରେ ପିପିଲିରେ ପ୍ରଚାର କାର୍ଯ୍ୟ କରିବେ । ଏହି ଭର୍ଚୁଆଲ୍ ମିଟିଂ ସୋମବାର ଅପରାହ୍ଣ ୪ଟାରେ ଆରମ୍ଭ ହେବ। ଏହି ଅବସରରେ ମୁଖ୍ୟମନ୍ତ୍ରୀ ପିପିଲି ବ୍ଲକ୍ ଓ ଏନ୍ଏସି ସହ ଡେଲାଙ୍ଗ ବ୍ଲକ୍ର ବିଭିନ୍ନ ପଞ୍ଚାୟତରେ ଭର୍ଚୁଆଲ୍ ମିଟିଂ କରିବେ ।
କାର୍ଯ୍ୟସୂଚୀ ଅନୁସାରେ, ମୁଖ୍ୟମନ୍ତ୍ରୀ ୨୨ ନମ୍ବର ଜିଲ୍ଲା ପରିଷଦ ଜୋନ୍ ଗୋବିନ୍ଦପୁର ପଞ୍ଚାୟତ ପାଟସାହାଣୀପୁର, ୨୩ ନମ୍ବର ଜିଲ୍ଲା ପରିଷଦ ଜୋନ୍ର ଦାଣ୍ଡମୁକୁନ୍ଦପୁର ପଞ୍ଚାୟତର ଦାଣ୍ଡମୁକୁନ୍ଦପୁର ବାଲିପଡ଼ିଆ, ୨୪ ନମ୍ବର ଜିଲ୍ଲା ପରିଷଦ ଜୋନ୍ ଯଶୁଆପୁର ପଞ୍ଚାୟତ କୁମାରେଶ୍ବର ମେଳଣପଡ଼ିଆରେ ନିର୍ବାଚନୀ ପ୍ରଚାର କରିବେ । ସେହିଭଳି ଡେଲାଙ୍ଗ ବ୍ଲକ୍ର ୧୭ ନମ୍ବର ଜିଲ୍ଲା ପରିଷଦ ଜୋନ୍ ରେଞ୍ଚ ପଞ୍ଚାୟତର ରେଞ୍ଚ, ୧୬ ନମ୍ବର ଜିଲ୍ଲା ପରିଷଦ ଜୋନ୍ କୋଠବାଡ଼ ପଞ୍ଚାୟତର ବଡ଼ଆଙ୍କୁଲା ଓ ୧୫ ନମ୍ବର ଜିଲ୍ଲା ପରିଷଦ ଜୋନ୍ର ସିଂବରହମ୍ପୁର ପଞ୍ଚାୟତ ସିଂବରହମପୁରରେ ନିର୍ବାଚନୀ ପ୍ରଚାର କରିବେ ।
ତେବେ ଏପ୍ରିଲ ୧୩ ରେ ପିପିଲିରେ ମତାଦାନ କରାଯିବ ଏହାର ଦୁଇ ଦିନ ପୂର୍ବରୁ ଅର୍ଥାତ୍ ୧୫ ଏପ୍ରିଲରେ ପ୍ରଚାର କାର୍ଯ୍ୟ ଶେଷ ହେବ ।
