ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ଵର: ଆଜିଠୁ ୪ ଦିନ ଯାଏଁ ଭାରତୀୟ ଷ୍ଟେଟ ବ୍ୟାଙ୍କ ବନ୍ଦ ରହିବ । ଭୁବନେଶ୍ୱର ୟୁନିଟ-1 ସ୍ଥିତ ଭାରତୀୟ ଷ୍ଟେଟ ବ୍ୟାଙ୍କ ମୁଖ୍ୟ କାର୍ଯ୍ୟାଳୟ ଚାରି ଦିନ ପାଇଁ ବନ୍ଦ ରହିବ । କାର୍ଯ୍ୟାଳୟରୁ ଅଧିକ ସଂଖ୍ୟକ ସଂକ୍ରମିତ ଚିହ୍ନଟ ପରେ ବିଏମସି ପକ୍ଷରୁ ଏଭଳି ନିଷ୍ପତ୍ତି ନିଆଯାଇଛି । ଫଳରେ ସମ୍ପୂର୍ଣ୍ଣ କାର୍ଯ୍ୟାଳୟ ସାନିଟାଇଜ୍ କରାଯିବା ପାଇଁ ଦୁଇ ଦିନ ବନ୍ଦ ରହିଥିବା ବେଳେ ଶନିବାର ଓ ରବିବାର ପାଇଁ ଆଉ ଦୁଇ ଦିନ ବନ୍ଦ ରହିବ । ଅତଏବ ଆଜିଠୁ ଅର୍ଥାତ୍ ଏପ୍ରିଲ ୮ରୁ ଏପ୍ରିଲ ୧୧ ତାରିଖ ଯାଏଁ ଏହି କାର୍ଯ୍ୟାଳୟ ବନ୍ଦ ରହିବ । ପୂର୍ବରୁ ବ୍ୟାଙ୍କରେ ଏକାଧିକ ପଜିଟିଭ ଚିହ୍ନଟ ପରେ ଦୁଇ ଦିନ ପାଇଁ ବ୍ୟାଙ୍କକୁ ସିଲ କରିଥିଲା ବିଏମସି ।
