ସନ୍ଷ୍ଚାର ଟିଭି ବ୍ୟୁରୋ
ପିପିଲି: ଆଉ କିଛି ଦିନ ପରେ ପିପିଲି ଉପନିର୍ବାଚନ ।ଏହାକୁ ଦୃଷ୍ଟିରେ ପ୍ରଚାର କାର୍ଯ୍ୟ ଜୋର୍ଦାର୍ ଚଳାଇଛନ୍ତି ଉପନିର୍ବାଚନ ପାଇଁ ପ୍ରତିଦ୍ଵନ୍ଦୀତା କରୁଥିବା ପାର୍ଥୀମାନେ । କେବଳ ପାର୍ଥୀ ନୁହଁନ୍ତି, ତିନି ଦଳର ପ୍ରମୁଖ ନେତାମାନେ ମଧ୍ୟ ପ୍ରଚାର କାର୍ଯ୍ୟ ଜୋରଦାର ଚଳାଇଛନ୍ତି ।ତେବେ ବିଜେପି ପକ୍ଷରୁ ଷ୍ଟାର ପ୍ରଚାରକ ଭାବେ ପ୍ରଚାର ମଇଦାନକୁ ଓହ୍ଲାଇବେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଆସନ୍ତା ୧୩ ତାରିଖରେ ପିପିଲିରେ କେନ୍ଦ୍ରମନ୍ତ୍ରୀ ପ୍ରଚାର କରିବେ। କେନ୍ଦ୍ରମନ୍ତ୍ରୀ ପିପିଲିରେ ରାଲି କରିବା ସହ ଏକ ସାଧାରଣ ସଭାରେ ଯୋଗ ଦେବାର କାର୍ଯ୍ୟକ୍ରମ ରହିଛି । ଏହି ସମୟରେ ତାଙ୍କ ସହ ଆଉ କିଛି କେନ୍ଦ୍ରୀୟ ନେତା ମଧ୍ୟ ପ୍ରଚାର ମଇଦାନକୁ ଓହ୍ଲାଇବେ ।
ସେପଟେ ବିଜେଡିର ନମ୍ଵର ଓ୍ଵାନ ଷ୍ଟାର ପ୍ରଚାରକ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଭର୍ଚୁଆଲ୍ ମାଧ୍ୟମରେ ପ୍ରଚାର କାର୍ଯ୍ୟ କରିବେ । ତେବେ କେବେ ଓ କେଉଁ ଦିନ ସେ ଭର୍ଚୁଆଲ୍ ପ୍ରଚାର କରିବେ ସେ ନେଇ ଖୁବ୍ ଶୀଘ୍ର ଘୋଷଣା କରାଯିବ ବୋଲି ସୂଚନା ମିଳିଛି ।
