ସନ୍ଷ୍ଟାର ଟିଭି ବ୍ୟୁରୋ
ଝାରସୁଗୁଡ଼ା: କରୋନା କଟକଣା ମଧ୍ୟରେ ଆରମ୍ଭ ହୋଇଯାଇଛି ଝାରସୁଗୁଡ଼ା-ଚେନ୍ନାଇ ମଧ୍ୟରେ ବିମାନ ଉଡାଣ । ଗତକାଲି ୩.୨୦ରେ ଝାରସୁଗୁଡ଼ା ବୀର ସୁରେନ୍ଦ୍ର ସାଏ ବିମାନ ବନ୍ଦରରେ ଅବତରଣ କରିଥିଲା ସ୍ପାଇସ୍ ଜେଟ୍ର ୧୮୯ ସିଟ୍ ବିଶିଷ୍ଟ ବୋଇଂ । ତେବେ ଏହା ପୁଣି ୩.୫୦ରେ ବିମାନ ଉଡ଼ାଣ ଆରମ୍ଭ କରିଥିଲା ।
ଶୁକ୍ରବାର ପ୍ରଥମ ଦିନରେ ଏହି ବିମାନରେ ୯୩ ଜଣ ଯାତ୍ରୀ ଚେନ୍ନାଇରୁ ଝାରସୁଗୁଡ଼ା ଆସିଥିଲେ । ପରେ ୮୪ ଯାତ୍ରୀଙ୍କୁ ନେଇ ପୁଣି ଝାରସୁଗୁଡ଼ାରୁ ଚେନ୍ନାଇ ଅଭିମୁଖେ ଯାତ୍ରା କରିଥିଲା । ଚେନ୍ନାଇ ବିମାନ ସେବା ଆରମ୍ଭ ହେବା ପରେ ପଶ୍ଚିମ ଓଡ଼ିଶା ସହିତ ଚେନ୍ନାଇକୁ ଏବେ ସିଧାସଳଖ ଯୋଡ଼ି ହୋଇଯାଇଛି ।
