ସନ୍ଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ଭାରତର କୋଣ ଅନୁକୋଣରେ ପରିଚିତ ସାଉଥ ସୁପରଷ୍ଟାର ରଜନୀକାନ୍ତଙ୍କୁ ମିଳିବାକୁ ଯାଉଛି ୫୧ତମ ଚଳଚ୍ଚିତ୍ର ଜଗତର ସର୍ବଶ୍ରେଷ୍ଠ ପୁରସ୍କାର ଦାଦା ସାହେବ ଫାଲକେ ପୁରସ୍କାର । ତେବେ ଏ ସମ୍ପର୍କରେ ଆଜି କେନ୍ଦ୍ରୀୟ ସୂଚନା ଓ ପ୍ରସାରଣ ମନ୍ତ୍ରୀ ପ୍ରକାଶ ଜାଭେଦକର ସାମ୍ବାଦିକ ସମ୍ମିଳନୀରେ ଘୋଷଣା କରିଛନ୍ତି । ସେ କହିଛନ୍ତି, ‘ରଜନୀକାନ୍ତ ଗତ ୫ ଦଶକ ଧରି ସିନେମା ଦୁନିଆରେ ରାଜ୍ କରୁଛନ୍ତି ଓ ଲୋକଙ୍କ ମନୋରଞ୍ଜନ କରିଆସୁଛନ୍ତି। ଏହି କାରଣରୁ ଏଥର ଦାଦା ସାହେବ ଫାଲକେର ଜ୍ୟୁରୀ ରଜନୀକାନ୍ତଙ୍କୁ ଏହି ପୁରସ୍କାର ଦେବାର ନିଷ୍ପତ୍ତି ନେଇଛନ୍ତି ।‘ ଆସନ୍ତା ମାସ ୩ ତାରିଖରେ ଏହି ପୁରସ୍କାର ଦିଆଯିବ ବୋଲି ଜାଭେଦକର ସୂଚନା ଦେଇଛନ୍ତି ।
ଏହି ପୁରସ୍କାର ପାଇଁ ସଠିକ୍ ବ୍ୟକ୍ତିତ୍ଵଙ୍କୁ ଚୟନ କରିବା ପାଇଁ ସିଲେକସିନ୍ ଜୁରୀ ନିୟୋଜିତ ହୋଇଥିଲେ । ଏହି ଜୁରୀଙ୍କ ଭିତରେ ଆଶା ଭୋସଲେ, ମୋହନଲାଲ, ବିଶ୍ୱଜିତ ଚାଟାର୍ଜୀ, ଶଙ୍କର ମହାଦେବନ ଏବଂ ସୁଭାଷ ଘାଇ ପ୍ରମୁଖ ଏକ ବୈଠକ କରି ରଜନୀକାନ୍ତଙ୍କୁ ଦାଦା ସାହାବ ଫାଲକୋ ପୁରସ୍କାର ଦେବାର ସୁପାରିଶ କରିଥିଲେ ।
