ସନ୍ଷ୍ଟାର ଟିଭି ବ୍ୟୁରୋ
ସୋର: ବାଲେଶ୍ଵର ସୋରରେ ଯାତ୍ରୀବାହୀ ବସ୍ ଦୁର୍ଘଟଣା ଗ୍ରସ୍ତ ହୋଇଛି । ସାଇକେଲ ଆରୋହୀକୁ ବଞ୍ଚାଇବାକୁ ଯାଇ ବସ୍ଟି ବସ୍ଟି ଓଲଟି ପଡ଼ିଛି । ବାଲେଶ୍ୱର ଜିଲ୍ଲା ସୋର ଥାନା ଅନ୍ତର୍ଗତ ୧୬ ନମ୍ବର ଜାତୀୟ ରାଜପଥରେ ଏହି ଦୁର୍ଘଟଣା ହୋଇଛି ଯ ତେବେ ଏହି ଦୁର୍ଘଟଣାରେ ପ୍ରାୟ ୨୦ରୁ ଅଧିକ ଯାତ୍ରୀ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ ୩ ଜଣଙ୍କ ଅବସ୍ଥା ଗୁରୁତର ଥିବା ଜଣାପଡ଼ିଛି । ଆହତଙ୍କୁ ସୋର ଡାକ୍ତଖାନାରେ ଭର୍ତ୍ତି କରାଯାଇଥିବା ବେଳେ ଗୁରୁତରଙ୍କୁ ବାଲେଶ୍ୱର ସଦର ମେଡିକାଲରେ ଭର୍ତ୍ତି କରାଯାଇଛି ।
ତେବେ ସୂଚନା ଅନୁଯାୟୀ, ଭୁବନେଶ୍ୱରରୁ ଚକାଡୋଳା ବସ୍(ଓଆର୍୨୨ ଏଫ୍ ୫୪୫୪) ଅଭଣା ଫେରୁଥିବା ସମୟରେ ଜଣେ ସାଇକେଲ ଆରୋହୀ ବସ ସାମ୍ନାକୁ ଆସିଯାଇଥିଲେ । ସାଇକେଲ ଆରୋହୀଙ୍କୁ ରକ୍ଷା କରିବାକୁ ଯାଇ ବସକୁ ବାମପାଶ୍ୱର୍କୁ କାଟି ଦେଇଥିଲେ ଡ୍ରାଇଭର । ଅପରପଟେ ରାସ୍ତାକାମ ପାଇଁ ହୋଇଥିବା ଗାତରେ ବସ୍ଟି ପଡ଼ି ଯାଇ ଏହାର ଡୋର ବନ୍ଦ ହୋଇଯାଇଥିଲା । ଏହାଦେଖି ସ୍ଥାନୀୟ ଲୋକେ ଘଟଣାସ୍ଥଳରେ ପହଞ୍ଚି ଜରୁରିକାଳୀନ ଡୋର୍ ଓ ଆଗକାଚକୁ ଭାଙ୍ଗି ଯାତ୍ରୀମାନଙ୍କୁ ଉଦ୍ଧାର କରିଥିଲେ । ସମସ୍ତ ଆହତଙ୍କୁ ୧୦୮ ଆମ୍ବୁଲାନ୍ସ ଯୋଗେ ସୋର ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଗୁରୁତର ୩ ଜଣଙ୍କୁ ବାଲେଶ୍ୱର ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା ।
