ସନ୍ଷ୍ଟାର ଟିଭି ବ୍ୟୁରୋ
ରାଉରକେଲା: ଚଳିତ ମାସ ୨୧ରେ ରାଷ୍ଟ୍ରପତି ରାମନାଥ କୋବିନ୍ଦ ଦିନିକିଆ ରାଉରକେଲା ଗସ୍ତରେ ଆସୁଛନ୍ତି । ରାଉରକେଲା ସ୍ଥିତ ଏନଆଇଟିର ୧୮ତମ ସମାବର୍ତ୍ତନ ଉତ୍ସବରେ ମୁଖ୍ୟ ଅତିଥି ଭାବେ ଯୋଗଦେବେ ରାଷ୍ଟ୍ରପତି । ତେବେ ଏଥିପାଇଁ ଜୋରଦାର ପ୍ରସ୍ତୁତି ଆରମ୍ଭ ହୋଇଯାଇଛି । ରାଉରକେଲା ଏନଆଇଟିର ସମାବର୍ତ୍ତନ ଉତ୍ସବ ସବୁ ବର୍ଷ ଜାନୁଆରୀରେ ଅନୁଷ୍ଠିତ ହେଉଥିବା ବେଳେ କୋଭିଡ଼୍ କଟକଣା ଯୋଗୁଁ ଚଳିତ ବର୍ଷ ମାର୍ଚ୍ଚ ମାସ ୨୧ତାରିଖରେ ଅନୁଷ୍ଠିତ ହେବାକୁ ଯାଉଛି ।
ରାଉରକେଲା ଏନଆଇଟିର ସମାବର୍ତ୍ତନ ଉତ୍ସବରେ ରାଷ୍ଟ୍ରପତିଙ୍କ ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ରାଜ୍ୟପାଳ ଗଣେଶୀ ଲାଲ୍ ମଧ୍ୟ ଯୋଗ ଦେବାର କାର୍ଯ୍ୟକ୍ରମ ରହିଛି ।
ଏନଆଇଟି ପରେ ଇସ୍ପାତ ଜେନେରାଲ ହସ୍ପିଟାଲ ପରିସରରେ ନିର୍ମିତ ସୁପର ସ୍ପେଶାଲିଟି ହସ୍ପିଟାଲକୁ ରାଷ୍ଟ୍ରପତି ଲୋକାର୍ପିତ କରିବେ । ଏଥିପାଇଁ ଏନ୍ଆଇଟି ଯିବା ରାସ୍ତା ଓ ଏନ୍ଆଇଟି ପରିସରକୁ ଚକାଚକ୍ କରାଯାଉଛି । ରାଷ୍ଟ୍ରପତିଙ୍କ ଗସ୍ତ ପୂର୍ବରୁ ସେକ୍ଟର-୧୩ ବିମାନ ଘାଟି ଠାରୁ ଆରମ୍ଭ କରି ସେକ୍ଟର-୧୯ ରାଉରକେଲା ହାଉସ ପର୍ଯ୍ୟନ୍ତ ରାସ୍ତା ମରାମତି କରାଯିବା ସହ ବିଭିନ୍ନ ଛକଗୁଡ଼ିକର ସୌନ୍ଦର୍ଯ୍ୟୀକରଣ ପାଇଁ ସୌନ୍ଦର୍ଯ୍ୟୀକରଣ କରାଯାଉଛି ।
