ସନ୍ଷ୍ଟାର ଟିଭି ବ୍ୟୁରୋ
ବାରିପଦା: ଜଙ୍ଗଲରେ ନିଆଁ ଲଗାଉଥିବା ସମୟରେ ଆଉ ଜଣକୁ ଗିରଫ କରିଛି ବନ ବିଭାଗ । ମୟୂରଭଂଜ ଜିଲ୍ଲା କରଞ୍ଜିଆ ବନଖଣ୍ଡ ଅନ୍ତର୍ଗତ ଦୁଧିଆଣି ରେଞ୍ଜର ଗୁଡିଡିହା ସଂରକ୍ଷିତ ଜଙ୍ଗଲରେ ଜଣେ ଯୁବକ ଜଙ୍ଗଲରେ ନିଆଁ ଲଗାଇ ଶିକାର ପାଇଁ ଫାଶ ବିଛାଉ ଥିବା ବେଳେ ଯୁବକକୁ ଗିରଫ କରିଛି ପୋଲିସ । ସେହି ଯୁବକ ଜଣଙ୍କ କରଞ୍ଜିଆ ଥାନା ଖଡିକୁଦର ଗାଁର ସାଲୁ ତିଉ ହୋଇଥିବା ସୂଚନା ମିଳିଛି ।
ଗିରଫ କରିବା ସମୟରେ ଯୁବକଙ୍କ ନିକଟରୁ ୨୨ ଟି ଠେକୁଆ ଫାଶ ଜବତ କରିଛି । ତେବେ ଗତକାଲି ମଧ୍ୟ ଶିମିଳିପାଳ ଜଙ୍ଗଲରେ ନିଆଁ ଲଗାଉଥିବା ସମୟରେ ଯଶୀପୁର ଥାନା ଆମ୍ବତଳିଆ ଗ୍ରାମର ପ୍ରଧାନ ହେମ୍ବ୍ରମକୁ ଗିରଫ କରିଥିଲା ପୋଲିସ ।
