ସନ୍ଷ୍ଟାର ଚିଭି ବ୍ୟୁରୋ
ଶ୍ରୀନଗର: ସବୁ ବର୍ଷ ଭଳି ଏ ବର୍ଷ ମଧ୍ୟ ଦୀପାବଳିରେ ପ୍ରଧାନମନ୍ତ୍ରୀ ମୋଦି ଯବାନମାନଙ୍କୁ ଭେଟିବା ସହ ସେମାନଙ୍କ ତ୍ୟାଗ ଓ ବଳିଦାନକୁ ମନେ ପକାଇଛନ୍ତି ।ରାଜସ୍ଥାନର ଜୈସଲମେର ଲୋଙ୍ଗୋୱାଲା ପୋଷ୍ଟ ଯାଇ ପ୍ରଧାନମନ୍ତ୍ରୀ ଯବାନମାନଙ୍କୁ ଭେଟିଥିଲେ। ସାରା ଦେଶ ଯବାନମାନଙ୍କ ସହ ରହିଛି ଏବଂ ବୀର ଯବାନମାନଙ୍କ ବଳିଦାନ ଯୋଗୁଁ ଦେଶ ସୁରକ୍ଷିତ ରହିଛି। କଠିନ ପରିସ୍ଥିତିରେ ଦେଶକୁ ସୁରକ୍ଷା ଦେଉଛନ୍ତି ବୋଲି ଯବାନ ମାନଙ୍କୁ ସମ୍ବୋଧିତ କରି କହିଛନ୍ତି ମୋଦି ।
ସେ କହିଛନ୍ତି ଯେ, କେତେବେଳେ ୫୦ ଡିଗ୍ରୀରୁ ଅଧିକ ତାପମାତ୍ରାରେ କାର୍ଯ୍ୟ କରୁଛନ୍ତି ତ ଆଉ କେତେବେଳେ ପାରଦ ଶୂନ ତଳେ ରହି ଦେଶ ପାଇଁ ଜୀବନ ଦେଉଛନ୍ତି । କିନ୍ତୁ ସବୁ ପରିସ୍ଥିତିରେ ସେମାନେ ଦେଶ ପାଇଁ କର୍ତ୍ତବ୍ୟର ଅନନ୍ୟ ଉଦାହରଣ ସୃଷ୍ଟି କରିଛନ୍ତି । ଆମ ସୈନିକ ମାନଙ୍କ ଦକ୍ଷତାକୁ ନେଇ ଆମେ ଗର୍ବ କରୁଛୁ ।
