ସନ୍ଷ୍ଟାର ଟିଭି ବ୍ୟୁରୋ
ଭଦ୍ରକ: ମଣ୍ଡିରେ ଧାନ ନ ଦେଇପାରିବାରୁ ବିଷ ପିଇ ଆତ୍ମହତ୍ୟା କରିବାକୁ ଉଦ୍ୟମ କରିଛନ୍ତି ଜଣେ ଚାଷୀ । ଭଦ୍ରକ ଜିଲ୍ଲା ବନ୍ଧଗାଁ ପଞ୍ଚାୟତରେ ଘଟିଛି ଏପରି ଏକ ଅଭାବନୀୟ ଘଟଣା । ତେବେ ସୂଚନା ଅନୁସାରେ ଚାଷୀଙ୍କ ପାଖରେ ଟୋକନ ଥିବା ସତ୍ତ୍ଵେ ସ୍ଵୟଂ ସହାୟକ ଗୋଷ୍ଠୀ ତାଙ୍କ ଠାରୁ ଧାନ କିଣି ନଥିଲେ । ତେଣୁ ଚାଷୀ ଜଣଙ୍କ ଧାନ ନ ଦେଇ ପାରିବା ଦୁଃଖରେ ମଣ୍ଡି ଆଗରେ ଆତ୍ମହତ୍ୟା କରିବାକୁ ଉଦ୍ୟମ କରିଛନ୍ତି । ଆତ୍ମହତ୍ୟା କରିବାକୁ ଉଦ୍ୟମ କରିଥିବା ଚାଷୀ ବନ୍ଧୁଗାଁ ପଞ୍ଚାୟତର ରାଧାକାନ୍ତ ପଣ୍ଡାଙ୍କ ପୁଅ ରାମକୃଷ୍ଣ ପଣ୍ଡା ଅଟନ୍ତି । ତେବେ ତାଙ୍କୁ ଗୁରୁତର ଅବସ୍ଥାରେ ଭଦ୍ରକ ଜିଲ୍ଲା ଚିକିତ୍ସାଳୟରେ ଭର୍ତ୍ତି କରାଯାଇଛି ।
