ସନ୍ଷ୍ଟାର ଟିଭି ବ୍ୟୁରୋ
ନୂଆପଡ଼ା: ଆଜି ସକାଳ ୭ ଟାରୁ ଆରମ୍ଭ ହୋଇଯାଇଛି ନୂଆପଡ଼ା ଜିଲ୍ଲାପରିଷଦ ଜୋନ ନଂ ୨ରେ ଉପ ନିର୍ବାଚନ ପାଇଁ ମତଦାନ କାର୍ଯ୍ୟକ୍ରମ । ସୁରୁଖୁରୁରେ ଭୋଟ ଗ୍ରହଣ କାର୍ଯ୍ୟକ୍ରମ ଚାଲିଛି । ତେବେ ଏହି ବ୍ଲକର ପ୍ରାୟ ୧୨ଟି ପଞ୍ଚାୟତରେ ଥିବା ୧୪୩ଟି ବୁଥରେ ମତଦାନ ଚାଲିଛି । ଏଥିରେ ୩୮ ହଜାର ୩ ଶହ ୮୭ ଭୋଟର ରହିଛନ୍ତି ।
ବିଜେଡିରୁ ପ୍ରାର୍ଥୀ ଭାବେ ଅବନୀ ରଞ୍ଜନ ଜୋଶୀ, ବିଜେପିରୁ ଗୌରୀଶଙ୍କର ପଣ୍ଡା, କଂଗ୍ରେସରୁ କାଞ୍ଚନ ଶବର ନିର୍ବାଚନ ଅଂଶ ଗ୍ରହଣ କରିଛନ୍ତି । ମତଦାନ କିପରି ଶାନ୍ତିଶୃଙ୍ଖଳାରେ ହେବ ସେଥିପାଇଁ ପୁଲିସ ମୁତୟନ କରାଯାଇଛି । ଆସନ୍ତାକାଲି ଫଳାଫଳ ଘୋଷଣା କରାଯିବ ବୋଲି ନିର୍ବାଚନ ଅଧିକାରୀ ତଥା ଉପ ଜିଲ୍ଲାପାଳ ତରଣୀସେନ ନାୟକ ସୂଚନା ଦେଇଛନ୍ତି ।
